Lýsing
Nú hevur tú møguleika at gerast partur av starvsfólkahópinum í Blákolluni, tí vit søkja eftir einum ágrýtnum og jaligum námsfrøðingi ella hjálparfólki at byrja 7. august 2023 ella eftir nærri avtalu. Talan er um eitt fast starv á 30 tímar sum námsfrøðingur í vøggustovu við 12 børnum. Ella eitt hjálparfólk í tíðaravmarkað starv á 30 tímar.
Vit arbeiða við námsfrøðiliga amboðnum Betri vinir, sum ger tað lættari at styrkja barnafelagsskapin og fyribyrgja happing við støði í virðunum tolsemi, virðing, umsorgan og dirvi. Hetta er sostatt eitt gylt høvi hjá tær at nema tær vitan um verkætlanina hjá Barnabata, Betri vini. Tú kemur at ganga á odda við at fáa hetta arbeiðsamboð sjónligt í arbeiðsdegnum og somuleiðis virka í góðum samstarvi við starvsfelagar, børn og foreldur.
Blákollan bjóðar tær
- Ein stovn, har tú kanst seta tín dám á gerandisdagin
- 48 fitt børn, ið fegin vilja vera kreativ saman við tær
- Ein góðan starvsfólkahóp og virkið foreldraráð
- Ein stovn ið arbeiður við Betri vinum
- Ein ráðleggingardag um árið, har stovnurin er stongdur, og arbeitt verður við ymiskum námsfrøðiligum evnum, umframt tíð til fyrireiking
- Ein stovn, ið arbeiðir út frá eini menningarætlan , ið kann verða vegleiðandi og stimbrandi fyri teir ymsu aldursbólkarnar
Vit vænta av tær
- At tú kanst virka í góðum samstarvi við starvsfelagar, børn og foreldur
- At tú ert álítandi og ábyrgdarfull/ur
- At tú ert sjálvstøðug/ur og hevur yvirlit
- At tú kanst menna og stimbra børnini í teirra gerandisdegi
- At tú ert fleksibul
- At tú ert nærverandi, vísir áhuga og góðan hugburð til arbeiðið
- At tær dámar at vera úti og brúka náttúruna sum ein part av arbeiðinum
Tað hevur stóran týdning, at tú sum starvsfólk tolir broytingar, ið koma fyri á stovninum.
Lønar- og setanarviðurskifti
Talan er um 1 størv sum námsfrøðingur á 30 tímar. Lønar- og setanarviðurskifti eru sambært sáttmála millum Føroya Pedagogfelag og Kommunala Arbeiðsgevarafelagið.
Um so er, at námsfrøðingur ikki søkjur, kann hjálparfólk verða sett í tíðaravmarkað starv.
Ljóðar hetta sum naka fyri teg, og vilt tú vita meira um starvið, ert tú vælkomin at ringja til Susan Hansen, leiðara á tlf. 22 92 74
Umsóknir
Umsókn við prógvum og lívsgongdarlýsing skal vera okkum í hendi seinast sunnudagin 11. juli 2023
Arbeiðsgevarin hevur skyldu til at fáa barnaváttan, áðrenn setanin verður framd.
Tú søkir starvið við at trýsta á leinkjuna her: Námsfrøðingur til Blákolluna