Lýsing
Í sambandi við at vit um- og útbyggja handilin, hava vit tørv á fleiri starvsfólkum. Vit leita eftir einum ágrýtnum og vinarligum starvsfólki.
Her hevur tú møguleikan at blíva partur av eini handilsfyritøku í vøkstri og sum tekur ábyrgd og raðfestir góða kundatænastu.
Tínar høvuðsarbeiðsuppgávur verða:
- Hava ábyrgdina av bake- off deildini
- Hava ábyrgdina av salatbarrini
Bake- off deildin og salatbarrin vera títt ábyrgdarøki og her fært tú møguleika at hava eina ávirkan og at vísa tíni hugskot.
Tú hóskar væl til starvið, um tú:
- Dámar at møta tíðliga
- Hevur eitt skipað arbeiðslag og altíð ger tingini ordiligt
- Ert smílandi og altíð fús/ur at leypa til um kundarnir hava tørv á hjálp
- Tekur ábyrgd og hevur hug og vilja at betra um avrikið hjá handlinum
- Kanst taka undir við grundhugsjónini um at minka um matoyðsl og at verja umhvørvið
- Ert ein góður starvsfelagi og stuðlar undir góðum samanhaldi
Um spurningar eru til starvið, ber til at ringja til Hallbjørg Haraldsen, handilsleiðara, á tlf. 214252.
Talan er um 25 tímar um vikuna, við møguleika fyri at tillaga tímatalið. Arbeitt verður mándag til fríggjadag frá klokkan 6 til klokkan 11. Løn eftir avtalu.
Skrivlig umsókn skal sendast umvegis heimasíðuna hjá Á handlunum: www.ahandil.fo undir starv. Avrit av prógvum, CV, viðmælum o.a. skal eisini viðfestast.
Umsóknir skulu vera okkum í hendi í seinasta lagi fríggjadagin 1. juli 2022.
Stutt um Á
Á handilsketan er ein samtøka av sjálvstøðugum keypmonnum og lat sínar fyrstu handlar upp 12. mars 2012. Í dag eru 12 Á handlar, sum eru at finna kring alt landið.
Høvuðseyðkennið fyri Á handlarnar er fleiri tilboð, fleiri ferðir um vikuna. Hetta er málið sum vit stremba ímóti.
Í Á handlunum eru vit tilvitaði um okkara ábyrgd av at verja umhvørvið og hava vit m.a. sett í verk átakið ´”Minkað um matoyðsl”. Les meira á www.matoydsl.fo
Les meira um Á ketuna her: www.ahandil.fo
