Húsavørður til TSK

Skúlin sóknast eftir einum dugnaligum avloysara í húsavarðastarvinum at byrja 13.september og áleið 1 ár fram.   

Vit leggja dent á, at húsavørðurin er nærlagdur, arbeiðssamur, dugur at leggja mongu uppgávurnar til rættis og er fyrikomandi móti næmingum og starvsfólkum.

Høvuðsuppgávurnar eru m.a.:

• Umsjón og røkt av bygningum innan- og uttandura
• Gera smærri umvælingar
• Umsjón við øllum el- og hvs-skipanum, herundir tilhoyrandi telduskipanir
• Ábyrgd av reingerðini á skúlanum
• Fyrireikingar til serlig tiltøk m.a. flyting av innbúgvi
• Fíggjarliga ábyrgd av bygningsrakstri, herundir innkeyp
• Fíggjarliga ábyrgd av bygningsviðlíkahaldi og kontering á Búskaparskipan Landsins
• Ábyrgd av kavarudding og taka sær av flagging.

Førleiki:
Vit ynskja okkum, at umsøkjari hevur handverkaraútbúgving ella líknandi tøkniliga útbúgving og royndir, góð samstarvsevni og hevur førleika at arbeiða sjálvstøðugt. Hartil nakað av telduførleika og koyrikort.

Setanartreytir:
Starvið, sum vísir beinleiðis til skúlastjóran, er fulltíðarstarv sum avloysari og verður sett skjótast gjørligt. Starvið verður sett sambært sáttmála millum Føroya Handverkarafelag og Fíggjarmálaráðið.

Umsókn:
Umsóknir við avriti av prógvum og møguligum viðmælum skulu sendast til runih@tsk.fo ella TSK, Postboks 20, 700 Klaksvík, í seinasta lagi mánadagin, 30. august 2021.

Áhugaði kunnu fáa meiri at vita um starvið, við at venda sær til verandi húsavørð ella skúlastjóran á telefon nr. 456311.

Tekniski Skúlin í Klaksvík er sjálvsognarstovnur og til skúlan hoyrir Skúlaheimið. Sjónám er eisini undir ábyrgdini hjá leiðsluni á TSK. Á stovnunum eru  uml. 300 næmingar, 45 starvsfólk umframt skeiðsluttakarar.