Vilt tú arbeiða sum heilsufrøðingur?

Gigni søkir heilsufrøðingar

Størvini eru:
24 tímar tíðaravmarkað starv á smábarna- og skúlaøkinum í Norðoyggjum. Starvið endar tann 31. desember 2022. 

40 tímar fast starv á smábarnaøkinum í Eysturoynni.

37,5 tímar fast starv á smábarna- og skúlaøkinum í Vestmanna- Kvívíkar-  og Tórshavnar kommunu.

20 tímar fast starv á smábarna- og skúlaøkinum í Sandoynni.

24 tímar tíðaravmarkað starv á skúlaøkinum í Suðuroynni. Starvið endar tann 31. juli 2022. 

Størvini verða sett frá 1. januar 2022, ella eftir nærri avtalu.

Í umsóknini skal verða tilskilað, hvat starv verður søkt.

Vit kunnu bjóða:

• sjálvstøðugt, spennandi og avbjóðandi starv
• fakligt mennandi umhvørvi
• at vera partur av einum samstarvstoymi við jaligum og eldhugaðum starvsfelagum

Førleikakrøv:

• útbúgving sum heilsufrøðingur
• løggilding sum sjúkrarøktarfrøðingur
• góð evnir at samstarva við leiðslu, starvsfelagar o.o.
• ábyrgdarfullur og álitisvekjandi
• áhugaður fyri fakligari menning

Møguleiki er eisini hjá sjúkrarøktarfrøðingum á bachelorstøði at søkja starvið, um teir lúka upptøkutreytirnar at lesa til heilsufrøðing.

Upptøkutreytirnar eru:

• útbúgving sum sjúkrarøktarfrøðingur á bachelorstøði og danska løggilding
• royndir sum sjúkrarøktarfrøðingur, sum svara til minst tvey ár við fullum setanarbrøki. Hesar royndir skulu vera frá minst tveimum av ávikavist føði- og barsilsdeild, neonatologi, pædiatri, barna- og ungdómspsykiatri og heimarøkt. Minst ein av hesum starvssetanunum skal hava verið í minsta lagi 8 mánaðir til longdar.

Yvirskipað kunnu broytingar væntast í mun til raðfestingar og mannagongdir í samband við

menningartilgongd.

Lønar- og setanartreytir:
Løn sambært sáttmála millum Felagið Føroyskir Sjúkrarøktarfrøðingar og Fíggjarmálaráðið.

Umsókn við prógvum, CV og øðrum viðkomandi skjølum skal sendast til heilsutrygd@heilsutrygd.fo ella til Heilsutrygd, Postsmoga 52, Klaksvíksvegur 7, FO-700 Klaksvík.

Umsóknin skal verða Heilsutrygd í hendi í seinasta lagi fríggjadagin 19. november 2021, kl. 12.00.
Vilt tú vita meira um størvini, ert tú vælkomin at seta teg í samband við Sólrun Foldbo, fakligan stjóra, solrunf@gigni.fo, tlf. 562394.