Miðlagrafikaralærlingur til Kringvarp Føroya

Søkt verður eftir einum lærlingi til útbúgvingina miðlagrafikari (mediegrafiker). Útbúgvingin fevnir um alla grafiska miðlaframleiðslu
á teimum pallum, Kringvarpið virkar á, umframt aðrar grafiskar uppgávur, sum eru tengdar at stovninum, millum annað framleiðslu av tilfari til prent. Útbúgvingin tekur 3 ár og 11 mánaðir, har ein partur er skúlagongd í Danmark.

KRØV
Tú skalt helst hava miðnámsútbúgving, HH, HF ella studentsprógv. Tú skalt hava vanliga litsjón, vera fleksibul og kunna arbeiða
skiftandi tíðir.

VIT LEGGJA DENT Á, AT TÚ HEVUR
● gott grafiskt eyga
● skil og royndir við teldum og talgildum miðlum
● góð samstarvsevni og dugir at arbeiða sjálvstøðugt og undir trýsti
● hevur gott eyga fyri samskifti

VIT BJÓÐA
Eitt avbjóðandi og spennandi lærupláss í einum kreativum og skiftandi umhvørvi.

SETANARVIÐURSKIFTI
Lærutíðin byrjar skjótast tilber, við fyrivarni fyri samskipan við skúla. Lønin í lærutíðini verður goldin sambært sáttmála millum Starvsfelagið og Fíggjarmálaráðið. Royndartíðin er seks mánaðir.

UMSÓKNIR
Umsókn við CV, prógvum, viðmælum og møguligari verkætlan skal sendast til umsokn@kvf.fo í seinasta lagi 22. november 2021. Merk teldupostin “Lærlingur” í evnisrútin. Skrivliga tilfarið skal sendast sum ein samlað PDF-fíla.

VERKÆTLAN
Verður tú kallað/ur til samrøðu, kanst tú í hesum sambandi vísa Kringvarpinum eina verkætlan, ið tú sjálv/ur hevur verið við til
at gera, og tú skalt greiða frá tínum leikluti í verkætlanini, sum skal hava eitt grafiskt útgangsstøði.

Um tú ynskir meira kunning, ert tú vælkomin at venda tær til Høgna Egholm Magnussen, miðlagrafikara í Kringvarpinum, telefon
296511, ella teldupost hem@kvf.fo

Kringvarp Føroya er sjálvstøðugur almennur stovnur, sum virkar óheftur av politisku skipanini. Kringvarpsstjórin stjórnar stovninum við
tilvísing til stýrið, ið telur sjey limir. Virksemið verður fíggjað við kringvarpsgjaldi og inntøkum frá kunngerðum, ískoytisveitingum og
eydnuspølum. Kringvarp Føroya hevur fýra deildir: Aktuelt, Mentan, Tøkni og Fyrisiting. Umleið 80 fólk eru í føstum starvi á stovninum