Løgfrøðingur til landsdjóralæknan

Vilt tú arbeiða við matvørutrygd, fiska- og djóraheilsu, og hevur tú áhuga í innlendis og altjóða marknaðinum? So er eitt tíðaravmarkað starv leyst at søkja á landsdjóralæknadeildini.

Landsdjóralæknadeildin er á Heilsufrøðiligu starvsstovuni (HFS). HFS er stovnur við 

ágrýtnum starvsfólki við breiðari fakligari vitan. 

Hjá okkum fært tú møguleika at arbeiða saman við dugnaligum starvsfólki, sum hava hollar útbúgvingar og royndir. Starvið er spennandi við fjølbroyttum avbjóðingum og arbeiðsumhvørvið er gott.

Uppgávur

• Arbeiða við lóggávu og altjóða avtalum um mat og djór
• Gera uppskot til dagføringar av galdandi lóggávu, serliga við Stórabretland og ES
• Ymsar innanhýsis løgfrøðiligar uppgávur fyri aðrar deildir á stovninum

Krøv til útbúgving og førleikar

• Útbúgving sum cand. jur ella líknandi útbúgving frá hægri lærustovni. Lesandi eru eisini vælkomin at søkja, skulu tó í minsta lagi hava staði útbúgving á  bachelor stigi
• Góðan kunnleika í føroyskum máli, bæði í skrift og talu er krav
• Góðan førleika í enskum
• Góð evni at greina fløktar spurningar
• Dugir at arbeiða bæði sjálvstøðugt og at samstarva og samskifta við onnur
• Áhuga fyri fyrisitingarrætti
• Viðkomandi arbeiðsroyndir er ein fyrimunur

Tíð og setanarviðurskifti
Talan er um tíðaravmarkað starv til 1. novembur 2022. Starvið verður møguliga longt við einum ári. Starvið er ætlað at seta sum skjótast, men vit bíða fegin eftir rætta viðkomandi.

Arbeiðsstaðurin er á Smyrilsvegi 7 í Tórshavn.

Starvið er fulla tíð og lønt eftir sáttmála millum Fíggjarmálaráðið og Búskapar-og Løgfrøðingafelag Føroya.

Umsókn til starvið
Umsóknin við avriti av prógvi, lívrensli o. tíl. skal sendast HFS, Smyrilsvegur 7, 100 Tórshavn, ella hfs@hfs.fo, og skal verða okkum í hendi í seinasta lagi 3. januar 2022, kl. 12.00.

Um Heilsufrøðiligu starvvstovuna
Heilsufrøðiliga starvsstovan er stovnur undir Umhvørvis - og vinnumálaráðnum. Stovnurin umsitur  m.a. matvørulógina, djórasjúkulógina og djóravælferðalógina.

Fremstu uppgávurnar hjá landdjóralæknadeildini eru:

• Virka fyri matvørutrygd í Føroyum
• Virka fyri djóraheilsu og –vælferð í Føroyum
• Tryggja altjóða standardir og handil við umheimin
• Virka í innlendis – og altjóða tilbúgving

Á landsdjóralæknadeildini starvast frammanundan trý fólk, tveir djóralæknar og ein løgfrøðingur.

Um tú vilt vita nærri um starvið er tú vælkomin at venda tær til Birnu Mørkøre, landsdjóralækna, tlf. 556468.