Starvsfólk til verkætlanararbeiði í Fólkaheilsuráðnum

Fólkaheilsuráðið søkir eftir starvsfólki at greina hagtøl, og at fyrireika fólkaheilsukanningina, “Hvussu hevur tú tað? 2023”). Talan er um verkætlanararbeiði.

Í starvinum kemur tú at greina og arbeiða við hagtølum úr kanningunum “Hvussu hevur tú tað 2019 og 2020”, umframt øðrum kanningum. Tú kemur í hesum sambandi eisini at samskifta við føroyskar og útlendskar granskarar og granskingarstovnar, sum Fólkaheilsuráðið samstarvar við. 

Umframt greiningararbeiðið kemur tú eisini at hava aðrar fyrifallandi uppgávur í Fólkaheilsuráðnum.

Kravt verður:

• Kandidatsprógv í fólkaheilsufrøði og granskingarroyndir innan fólkaheilsukanningar
• Royndir innan hagtalsgreiningararbeiði í breiðum fólkaheilsukanningum
• Hollan kunnleika til fólkaheilsukanningar, sum t.d. “Hvussu hevur tú tað?”
• Góðar førleikar og nógvar royndir við hagtalsarbeiði, hagtalsgreiningum og við at brúka hagtalsforrit
• Góðar skrivligar og munnligar førleikar í føroyskum, norðurlendskum og enskum
• Innlit í arbeiðið við fólkaheilsu, herundir kunnleika til fólkaheilsukanningar
• Jaligan hugburð til broytingar og umskifti
• Góð samstarvs- og samskipanarevni

Vit bjóða:
Eitt avbjóðandi starv, sum tú verður við til at mynda, til tíðir strævið, men samstundis áhugavert og mennandi.

Lønar – og setanartreytir:
Starvið verður sett sambært sáttmála ímillum Fíggjarmálaráðið og avvarðandi fakfelag.

Setanarøkið fevnir um Heilsumálaráðið og stovnar undir tí.

Starvið er fulla tíð frá 01/05-22 til 31/12-22. Møguleiki kann vera at leingja starvssetanina.

Nærri fæst at vita um starvið við at venda sær til formannin í Fólkaheilsuráðnum, Magna Mohr, 292270.

Umsókn:
Umsókn við lívsrensli, avriti av prógvum og møguligum viðmælum skal sendast til:

Fhr@folkaheilsa.fo ella Fólkaheilsuráðið, Eirargarður 2. 2 hædd, 100 Tórshavn

Umsóknarfreistin er 28/03-2022

Fá meiri at vita um ráðið á: www.folkaheilsa.fo