HAVSTOVAN
Lýsing
Starvið fevnir m.a. um hesar uppgávur:
- Hevur høvuðsábyrgdina av skipinum.
- Hevur høvuðsábyrgdina umborð at allar viðkomandi skipanir verða fylgdar. Hesar eru m.a. ISM-skipanin og góðskuskipan, reinføri o.l. í sambandi við dagliga virksemið umborð.
- Skal seta seg inn í viðkomandi lógir og reglur, ið Havstovan og skipið arbeiða eftir.
- Skal arbeiða í tøttum samstarvi við „túrleiðaran“ á Havstovuni fyri hvønn túr.
- Annað fyrifallandi arbeiði.
Førleikakrøv
- Vinnubræv sum skipari á handilsskipi, Reg. II/2.3.
- Heilsuváttan fyri sjófólk.
- Stórur dentur verður lagdur á, at umsøkjarin hevur fiskiroyndir við trolara og royndir undir Føroyum.
- Galdandi prógv, so sum trygdarskeið, eldsløkking, sjúkraviðgerð og
onnur viðkomandi skeið. - Góðan førleika at samskifta.
- Stórur dentur verður lagdur á góð samstarvsevni og hegni at fyriskipa.
Setanartreytir
Størvini verða sett eftir sáttmála millum Føroya Skipara- og
Navigatørfelagið og Fíggjarmálaráðið. Starvsheitið er skipari.
Umsóknir
Skrivligar umsóknir við CV og avrit av viðkomandi prógvum og møguligum ummælum, skulu vera Havstovuni í hendi í seinasta lagi 30. januar 2023.
Umsóknir skulu sendast í telduposti til Havstovuna frámerkt Starv á
starv@hav.fo.
