Lýsing
Lýst verður eftir ágrýtnum 1. meistara til Strandfaraskip Landsins at byrja í starvi skjótast gjørligt. Talan er um tíðaravmarkað starv umborð á Herjólfi III, fram til septembur 2023.
Endamálið við skipinum er at føra farm, umframt upp til 12 ferðafólk.
Dagliga farleiðin hjá Herjólfi III er Tórshavn - Tvøroyri. Ferðaætlanin hjá Herjólfi er, at hann siglir av Havnini ávikavist millum kl. 9:30-10:00 og norður aftur av Tvøroyri ávikavist millum kl. 16:00-18:30.
Ein treyt fyri starvið er, at tú kann loysa av uppeftir, so at SSL kann tryggja framhaldandi rakstur at skipum okkara.
Tínar høvuðsuppgávur eru, at:
- Hava eftirlit við, at trygdin er í tráð við føroysk og altjóða krøv, og harundir hava ábyrgd av, at ferðafólk og manning kenna seg tryggan umborð
- Veita skipsleiðsluni ein skilagóðan dagligan rakstur
- Fremja viðlíkahald, og leypandi meta um viðlíkahaldstørvin á maskinarínum
- Seta upp mannagongdir fyri viðlíkahald
- Tryggja gott samstarv við myndugleikar og aðrar samstarvsfelagar
- Gera annað fyrifallandi viðlíkahaldsarbeiði
Førleikakrøv:
- STCW-áteknað vinnubræv sum skipsmaskinmeistari/maskinistur
- Heilsuváttan (Bláa bók)
- Trygdarskeið fyri sjófólk STCW A-VI/1-1, A-VI/1-3, A-VI/1-4 og A-VI/6-1
- Eldsløkking fyri skipsyvirmenn STCW A-VI/1-2, A-VI/3
- Bátaføraraskeið STCW A-VI/2-1
Vit rokna við, at tú hevur góð samstarvsevnir, dugir at arbeiða sjálvstøðugt, ert kundavinalig/ur og røkin
Lønar- og setanarviðurskifti
Starvið verður sett sambært sáttmála millum Fíggjarmálaráðið og Maskinmeistarafelagið, lønarflokki 5.
Umsóknarfreistin er 15. mai 2023 á miðnátt.
Nærri upplýsingar um starvið kunnu fáast við at venda sær til Boga Gardar, skipara, á tlf. 293171, ella við telduposti til heb@ssl.fo
Um áhugið er fyri starvinum, kunnu tit venda tykkum til Annebet Abrahamsen, manningarsamskiparan, á tlf. 293024.
