Lýsing
Familjudepilin søkir hervið eftir sjúkrarøktarfrøðingum til barna- og ungdómssomatikkina. Talan er um tvey føst størv, eitt á brøki 0,7 og eitt á brøki 0,8 í skiftandi vaktum. Bæði størvini eru til setan frá 01.10.2023.
Familjudepilin er skipaður í fýra klinisk fokusøki, Barnakonueind, Gynekologiskt ambulatorium, Børn & Ung Somatikk og Børn & Ung Psykiatri. Familjudepilin er stovnaður við tí endamáli at stuðla undir allari tilgongdini hjá barnakonuni, barnafamiljuni, børnum og ungum frá gitnaði til barnið er 18 ár, umframt kvinnuheilsu/gynekologi. Fokus er á sjúklingagongdir og funktiónir, har dentur verður lagdur á tvørfakliga fyribyrging, stuðul, kanning, viðgerð, uppfylging og trivnað.
Familjudepilin varð settur á stovn 1. juni 2021. Børn & Ung Somatikk flytir eftir ætlan yvir í nýggja H-bygningin í 2024.
Tey ið sett verða til hesi størvini, koma at arbeiða á barnadeildini til flutt verður yvir í H-bygningin.
