Lýsing
...hjá fólkum, ið búgva í Sambýlinum Smærugøta í Havn.
Um starvið
- Eitt farloyvisstarv 20 tímar um vikuna at byrja skjótast gjørligt ella eftir nærri avtalu og fyribils til 30.06.2024. Arbeitt verður í skiftandi vaktum og í stóran mun í samdøgursvaktum. Arbeitt verður 3. hvørt vikuskifti.
- Søkt verður eisini eftir fólki at avloysa í sambandi við fráveru orsakað av sjúku, feriu, skeið o.ø.
Arbeiðsuppgávur
Sambýlið í Smærugøtu 29 í Havn hoyrir til eindina Menningartarn í Trivnaðardeplinum, sum veitir tænastur til ung og vaksin við menningartarni. Í sambýlinum búgva fimm borgarar við menningartarni og sálarligum avbjóðingum.
Starvsfólkini arbeiða miðvíst við, at búfólkini fáa møguleika at mennast, tá tað snýr seg um at gerast sjálvbjargin, at siga sína hugsan, koma við ynskjum og at samskifta hvørt við annað.
Arbeiðsuppgávurnar eru fjøltáttaðar, og er tað tí týdningarmikið, at tú megnar at arbeiða sjálvstøðugt og viðvirka til tvørfakligt samstarv við t.d. arbeiðspláss.
Javnvirði, tolsemi og yrkisdugnaskapur er partur av okkara gerandisdegi, og somuleiðis leggja vit okkum eftir at skapa góðan trivnað á arbeiðsplássinum, bæði millum búfólk og starvsfólk. Vit stuðla og vegleiða búfólkunum í persónligum viðurskiftum og teimum avbjóðingum, sum tey kunnu møta í gerandisdegnum.
Í námsfrøðiliga arbeiðinum leggja vit dent á sjálvsavgerðarrættin hjá tí einstaka, menning og sjálvbjargni.
