Lýsing
Diagnostiski depilin á Landssjúkrahúsinum søkir bioanalytikara til Rannsóknarstovuna. Talan er um eitt barsilsfarloyvi frá 15. februar 2024 – 31. januar 2025, ella eftir nærri avtalu. Arbeiðstíðin er 40 tímar um vikuna við vaktskyldu.
Sjúkrahúsið og deildin
Á Landssjúkrahúsinum arbeiða umleið 1100 starvsfólk, harav umleið 30 eru staðsett á Rannsóknarstovuni.
Rannsóknarstovan umfatar fleiri øki, harav biokemi er tað størsta við umleið 1,1 mió. kanningum árliga.
Rannsóknarstovan tekur blóðroyndir og EKG á innløgdum og ambulantum sjúklingum, sum verða ávístir frá sjúkrahús- og kommunulæknum. Eisini samstarvar deildin við aðrar rannsóknarstovur bæði innan- og uttanlands.
Arbeiðsuppgávur
Tínar arbeiðsuppgávur verða í høvuðsheitum innan biokemi, immunologi og blóðbanka, herundir blóðroyndartøka og EKG á innløgdum og ambulantum sjúklingum verður dagligur partur.
Um teg
Tú hevur áhuga í at arbeiða sum bioanalytikari, og ynskir at geva títt íkast, bæði fakliga og socialt, til ein góðan trivnað á deildini.
Rannsóknarstovan umfatar:
- Biokemi
- Immunulogi og blóðbanka
- Mikrobiologi
- Patologi
- Nuclearmedisin
- Neurofysiologi
Krøv til umsøkjarar:
- Bioanalytikaraútbúgving (danska autorisatión)
- Góðan hugburð og tvørfaklig samstarvsevni
- Góðan telduførleika
- Miðlan av vitan bæði á deplinum og til aðrar samstarvsfelagar
Vit kunnu bjóða:
- Eitt dynamiskt, avbjóðandi og fjølbroytt starv
- Fakliga kompetentar og virknar starvsfelagar
Lønar- og setanartreytir smb. sáttmála millum Bioanalytikarafelagið og Fíggjarmálaráðið. Arbeiðstíðin er 40 tímar um vikuna við vaktskyldu (vakt á deildini og tilkall úr heiminum).
Umsóknarfreistin er 24. januar 2024
Nærri upplýsingar fáast við at seta seg í samband við leiðandi bioanalytikara Birita K. Samuelsen, tlf. 304500, lokal 5601, t-post: birje@ls.fo
Vinarliga søk starvið her.
