Lýsing
Diagnostiski Depilin á Landssjúkrahúsinum søkir heilsustarvsfólk til Røntgendeildina til setan 1. februar 2024 ella eftir nærri avtalu. Talan er um eitt fast starv á fulla tíð.
Um okkum
Á Landssjúkrahúsinum starvast 1100 starvsfólk, harav umleið 25 eru staðsett á røntgendeildini.
Á røntgendeildini starvast 1 deildarleiðari, 4 røntgenlæknar, 14 radiografar og 4 læknaskrivarar.
Deildin ger umleið 39.000 kanningar um árið, sum verða ávístar av sjúkrahús- og kommunulæknum, og samstarvar við onnur sjúkrahús bæði innan- og uttanlands. Eisini verða ávísar kanningar sendar uttanlands at verða beskrivaðar.
Um teg
Tú hevur áhuga at arbeiða á sjúkrahúsi, har nógv ferð er á, og ynskir at geva títt íkast, bæði fakliga og socialt, fyri einum góðum trivnaði á deildini.
Arbeiðsuppgávur í høvuðsheitum:
- Móttøka og skrásetan av sjúklingum
- Telefonavgreiðsla og teldupostsamskifti við kommunulæknar/sjúkrahús – innan- og uttanlands – um kanningar og prøvatilfar
- Arbeiða saman við røntgenlækna í Ultraljóðrúmi eftir tørvi
- Aðrar skrivarauppgávur eftir tørvi
Førleikakrøv:
- Heilusfakliga útbúgving
- Tú ert fyrikomandi, erligur og positivur
- Tú hevur góðar KT- og málførleikar
- Tú evnar at vera róligur, og hava yvirblikk tá nógv er at gera
- Tú ert fakliga dugnaligur, støðugur, ágrýtin og dámar nýggjar avbjóðingar
- Tú gevur títt íkast til góða sjúkingagongd við serligum atliti til høga tænastu, góðsku og sjúklingatrygd
- Tú hevur hug at arbeiða fyri góðum samstarvi, bæði mono- og tvørfakligt, við positivari tilgongd til broyting av mannagongdum
- Tú hevur vilja og áhuga í at miðla vitan á deildini og til aðrar sarvsfelagar
Vit bjóða:
- Eitt spennandi arbeiðsumhvørvi, við fakliga kompetentum og virknum starvsfeløgum
- Eitt gott tvørfakligt samstarv millum læknaskrivarar, røntgenlæknar, patolog, radiografar, bioanalytikarar og aðrar fakbólkar, umframt eksternar samstarvspartnarar og kontakt við sjúklingar
- Spennandi uppgávur í góðum tvørfakligum umhvørvi, har arbeitt verður við SECTRA RIS/PACS, Cosmic og Patologiskipanini, sum eru karmar um allar kanningar, beskrivilsir, svar og bókingar.
- Felagsinnleiðsla á sjúkrahúsinum og u pplæring á deplinum.
Lønar- og setanartreytir smb. sáttmála við vvarandi felag og Fíggjarmálaráðið.
Nærri upplýsingar um starvið fáast við at ringja 304500 til Lisu Frederiksberg, deildarleiðara, lokal 5507, Lisa.Frederiksberg@ls.fo
Umsóknarfreistin er 24. januar 2024
Vinarliga søk starvið her.
Á okkara heimasíðu www.ls.fo kanst tú lesa um okkara visjón, missión og strategimál, undir leinkjuni “Leys størv”.
