Lýsing
Kelduskákið er í einari spennandi tíð, har vit eru í ferð við at skipa stovnin av nýggjum. Vit leggja dent á at menna fakliga støðið hjá starvsfólkunum og at skapa góðan trivnað millum bæði starvsfólk og búfólk.
Vit leita eftir starvsfólki, sum eru eldhugað og ynskja at vera við í hesi spennandi tilgongd.
Um størvini
Talan er um tvey 2 størv 40 tímar í miðal um vikuna at byrja skjótast gjørligt. Møguleiki er at fáa færri tímar um vikuna, um ynski er tað.
Arbeiðsstaðurin er í Klaksvík og arbeiðstíðirnar eru í skiftandi vaktum allar dagar í vikuni.
Arbeiðsuppgávur
Í sambýlinum í Kelduskákinum búgva 8 ung fólk sum hava autismu og ella annað menningartarn.
Vit halda til í húsum við tveimum hæddum, har 4 fólk búgva í niðaru hæddini og 4 fólk í ovaru hæddini.
Starvsfólk arbeiða á báðum hæddum, men tó bert á aðrari hæddini, hvørja ferð man er á vakt.
Tann sum fær starv kemur at fáa góða upplæring og dugnalig starvsfólk í Kelduskákinum koma at seta nýggja starvsfólkið neyvt inni í arbeiðið. Arbeitt verður skipað og eftir virksemisætlanum fyri hvønn borgara sær.
Vit leggja ómetaliga stóran dent á at menna góðar relatiónir við tey sum búgva í sambýlinum. Tað er neyðugt at tú tímir bæði at arbeiða við relatiónum og strukturi, samstundis sum heilsufakligar uppgávur og røkt eru týðandi partar av arbeiðinum.
Í arbeiðinum verður dentur lagdur á at skapa eitt gott og trygt heim og at menna virkis- og førleikastøðið hjá tí einstaka út frá egnum fortreytum.
Um dagin mitt í viku eru búfólkini til arbeiðis á vardum verkstaði. Í frítíðini ganga tey í kvøldskúla, ganga túrar og fara til tiltøk í nærumhvørvinum.
Kom inn á gólvið
Vit bjóða øllum áhugaðum at koma inn á gólvið í Kelduskákinum fyri at fáa kunning um hetta frálíka arbeiðsplássið og um arbeiðsuppgávurnar.
Tú kanst ringja til Astu í Toft, leiðara á tlf. 297433 fyri at gera avtalu eina tíð.
Førleikar
Søkt verður eftir fólki við heilsufakligari útbúgving og/ella hjálparfólkið, ið hava royndir við røktararbeiði.
Væntanir
Vit vænta, at tú ert fakliga, sálarliga og likamliga væl fyri. Vit vænta, at tú hevur kt-førleikar á brúkarastøði, tí skjalfesting er ein partur av arbeiðinum.
Vit kunnu bjóða
Vit bjóða eitt spennandi starv, har tú saman við einum ágrýtnum og lívligum starvsfólkum hevur ávirkan á, hvussu arbeiðið skal útinnast. Møguleiki er eisini til at lutaka á skeiðum, t.d. KRAP, sum er ein sosialnámsfrøðilig tilgongd, har man tilvitað arbeiðir viðurkennandi við relatiónum og út frá sterku síðum borgarans.
Setanar- og lønarviðurskifti
Setanarøkið er Almannaverkið við tænastu í løtuni í Trivnaðardeplinum, Autisma. Tann, ið sett/-ur verður, má tola broytingar í starvinum, og at hetta kann verða umskipað til eisini at fevna um aðrar uppgávur.
Setanar- og lønartreytirnar eru sambært sáttmála millum Fíggjarmálaráðið og Felagið Føroyskir Sjúkrarøktarfrøðingar, Heilsurøktarafelagið, Heilsuhjálparafelagið, Ergoterapeutfelagið Fysioterapeutfelag Føroya og Føroya Pedagogfelag.
Umsókn
Tú søkir starv við at trýsta á tann grøna knøttin "Søk starvið".
Freist
Umsóknir skulu vera Almannaverkinum í hendi í seinasta lagi 28.02.2024 kl. 23.00.
Nærri upplýsingar
Nærri upplýsingar um størvini fáast við at venda sær til Astu í Toft, leiðara, tlf. 297433 ella til Elisabeth Christiansen, eindarleiðara tlf. 297416.
