Almannaverkið
Lýsing
Almannaverkið søkir eftir starvsfólkið til Sambýlið Eiðisgarð í Vági. Ynskir tú at arbeiða við borgarum, sum hava ymiskar sálarligar avbjóðingar og vera við til at skapa ein mennandi og gevandi gerandisdag fyri hesar borgarar, so er tú vælkomin at søkja starv.
Um størvini
- Tvey starvsfólk at arbeiða hálva tíð. Byrjað verður skjótast gjørligt ella eftir nærri avtalu. Arbeiðstíðin er í høvuðsheitum fyrrapartar allar dagar í vikuni.
- Eitt starvsfólk at arbeiða fulla tíð í skiftandi vaktum. Byrjað verður skjótast gjørligt ella eftir nærri avtalu. Vaktirnar eru 8 tímar gerandisdagar og 12 tímar í vikuskiftum og arbeitt verður 3. hvørt vikuskifti. Møguleiki er at fáa niðursettan brøk, um ynski er um tað.
- Eitt starvsfólk til Virknisstovuna at arbeiða trý kvarta tíð. Byrjað verður skjótast gjørligt ella eftir nærri avtalu. Arbeiðstíðin er allar gerandisdagar frá kl. 10.00 til kl. 16.00.
- Eisini verður søkt eftir fólki til tímalønt starv at avloysa í samband við sjúku, avspáking v.m. Byrjað verður skjótast gjørligt ella eftir nærri avtalu.
