Almannaverkið
Lýsing
Talan er um avloysarastarv at taka til undir sjúku, feriu v.m. Arbeiðstíðirnar eru gerandisdagar í dagtímunum.
Arbeiðsuppgávur
Verkhúsið Birta er virknishús, har vit í einum vælskipaðum námsfrøðiligum umhvørvi virka fyri, at fólk fáa ein mennandi og fjølbroyttan gerandisdag við innihaldsríkum tilboðum. Í Verkhúsinum Birta eru í høvuðsheitum fólk við autismu.
Arbeiðsuppgávurnar eru nógvar og fjølbroyttar og snúgva seg í høvuðsheitinum um at virka fyri, at tann einstaki mennist sálarliga og kropsliga gjøgnum sansastimbrandi tiltøk og skapandi arbeiði. Vit arbeiða við støði í KRAP, sum er ein sosialnámsfrøðilig tilgongd, har vit tilvitað arbeiða viðurkennandi út frá sterku síðunum hjá tí einstaka.
