Handverkari til timburarbeiði hjá ARTICON

Vegna vaksandi virksemi søkja vit eftir handverkarum til timburarbeiði at byrja, skjótast gjørligt.

Hevur tú hug at arbeiða í einum spennandi og fjølbroyttum umhvørvi við avbjóðingum hvønn dag?

Um tit eru eitt timburtoymi, kunnu tit eisini søkja sum eitt toymi.

Vit hava nógvar verkætlanir í gongd í løtuni, og tú kemur at arbeiða í toymum runt um í Føroyum. 

 Vit vænta, at tú

• hevur viðkomandi útbúgving sum handverkari
• hevur royndir frá timburarbeiði
• ert arbeiðssamur/-som
• ert røkin og nærlagdur/løgd
• ert álítandi
• hevur góð samstarvsevnir

Vit bjóða

• Góð og skipaði arbeiðsviðurskifti
• Nútímans útgerð.
• Eina spennandi yrkisleið
• Persónliga og fakliga førleikamenning

Lønin og setanartreytir
Størvini verða sett, skjótast til ber. Lønin og setanartreytir verða samsvarandi royndum og førleikum.

Meira at vita
Hevur tú spurningar til starvið, kanst tú venda tær til Sunnvard Andreasen, framleiðsluleiðara, telefon 226117.

Umsókn
Tú søkir starvið her. 

ArtiCon varð stovnað í 2001 og er í dag millum størstu byggifyritøkur í Føroyum. Felagið tekst við størri og smærri byggi-, jørð og lendisarbeiðir, og ger alt slag av apteringsarbeiðum umborð á bátum og skipum. Vit leggja dent á at vera ein álítandi samstarvsfelagi og seta dygd, trygd og trivnað í hásæti. Í fyritøkuni starvast í løtuni umleið 230 fólk.