Lívfrøðingur til sjódjóradeildirna á Tjóðsavninum

Tjóðsavnið søkir eftir lívfrøðingi til Sjódjóradeildina at seta í starv 01. 10. 2022. Endamálið hjá deildini er at savna og varðveita djór og aðrar náttúrugripir, umframt at granska í okkara náttúru og miðla hesa vitan, m.a. gjøgnum miðlarnar og framsýningina hjá Tjóðsavninum.

Uppgávur

Høvuðsuppgávurnar eru at:

• røkja djórasøvnini (ryggleys dýr, fiskar og havsúgdýr)
• skipa fyri innsavning og sjálv/ur vera við í praktiska arbeiðinum
• skráseta gripir í skrásetingarskipanum (MS-Access og Specify)
• granska í tilfari, sum hevur við starvsøkið at gera
• taka ímóti lutum og at senda til viðskiftafólk
• standa fyri pørtum av framsýningini í Brekkutúni
• gera og at standa fyri at fáa lutir gjørdar til framsýning
• miðla djóralívið í Føroyum m.a. við framsýningum og útgávum

Førleikar

• hægri útbúgving í lívfrøði
• evni at arbeiða sjálvstøðugt og ert kreativ/ur
• góð miðlanarevni
• góð samstarvsevni og ert ágrýtin
• koyrikort

Arbeiðsøkið á Sjódjóradeildini fevnir um øll sjódjór, men serligur dentur verður lagdur á føroyskt havøkið. Av praktiskum ávum fevnir arbeiðið mest um makro- og megafauna.

Av tí at arbeiðsøkið er víðfevnt, er neyðugt at verða smidlig/ur í mun til starvsøki. Ætlanin er at tann, ið settur verður, skal útbúgva seg innan konserveringsøkið eftir tørvi (skeið og seravtalur um upplæring).

Lønar- og setanartreytir
Starvið verður sett og lønt sambært sáttmála millum Fíggjarmálaráðið og avvarðandi fakfelag.

Arbeiðsstaður: Hølini hjá Tjóðsavninum í Kaldbak.

Fleiri upplýsingar
Umsøkjarar kunnu seta seg í samband við Herleif Hammer, stjóra á Tjóðsavninum, tlf. 340500 ella herleifh@savn.fo, fyri at fáa meira at vita um starvið.

Umsóknir
Umsóknir við avritum av prógvum, CV og viðkomandi skjølum, skulu sendast Tjóðsavninum sum teldupostur í seinasta lagi mánadagin 23. 05. 2022.

Teldupostadressa:  savn@savn.fo

Tjóðsavnið
Kúrdalsvegur 15
FO-188 Hoyvík