Tórshavnar kommuna
Lýsing
Á Bygningsdeildina er tørvur á fólki við førleikum í leiklutinum sum byggi- og rakstrarharri. Talan er um áhugavert starv, har tú kanst fáa ávirkan og hevur møguleika at menna teg fakliga og persónliga.
Bygningsdeildin er partur av Teknisku fyrisitingini. Deildin virkar sum rakstrarharri í sambandi við rakstur og viðlíkahaldi av umleið 175.000 bygningsfermetrum. Harumframt virkar deildin sum byggiharri, tá nýggjar íløgur skulu gerast í bygningar.
Á deildini starvast 11 fólk á skrivstovuni í Steinatúni. Deildin arbeiðir tætt saman við »Bygningsrakstur«, sum er stovnur við leiðara, formonnum og umleið 40 húsavørðum.
