Lýsing
Um deildina
Almannaverkið hevur stovnað eina nýggja tænastu til fólk við samskiftisavbjóðingum. Vit byrja í smáum, men hava stórar ætlanir.
Málbólkurin eru fólk í aldrinum 18-67 ár, sum hava avbjóðingar við talu og samskifti. At byrja við leggja vit okkum eftir at bjóða samskiftismenning til sama málbólk, sum fær endur- og viðlíkahaldsvenjing frá Almannaverkinum. Sum frá líður, og sum vit gerast fleiri starvsfólk, er ætlanin at víðka um málbólk og tilboð.
At byrja við verða tvey fólk á deildini: deildarleiðarin og ein audiologopedur afturat.
Um starvið
Talan er um eitt fast starv fulla tíð, men møguleiki er eisini at arbeiða annað lægri brot. Tann, sum verður sett/-ur, kann byrja beinanvegin ella eftir avtalu. Tú fert í stóran mun at skipa tín egna arbeiðsdag og arbeiðstíðir. Starvsstaðurin er í Havn. Audiologopedurin vísir til deildarleiðaran.
