Sjúkrarøktarfrøðingur til læknaviðtalu

Søkt verður eftir einum sjúkrarøktarfrøðingi til brøk 0,6-0,8 til læknaviðtaluna hjá kommunulækna Eyð Tausen Magnussen at byrja 1 mars ella eftir avtalu. Ein sjúkrarøktarfrøðingur er í føstum starvi í viðtaluni frammanundan.

Um starvið:

• Spennandi og fjølbroytt arbeiði
• Fakligheit, trivnaður og arbeiðsgleði eru høgt í metum
• Uppgávurnar eru m.a. sjálvstøðugar viðtalur við sjúklingar við kroniskum sjúkum, barnakanningar, barnakonukanningar, koppsetingar og ymiskar injektiónsviðgerðir, telefonvisitatión og annað fyrifallandi arbeiði.
• Góðir møguleikar eru fyri menning við t.d. skeiðum, ið onkuntíð kunnu vera uttanlands. Dentur fer eisini at verða lagdur á undirvísing í viðtaluni og/ella saman við grannaviðtalunum.

Um teg:

• Tú ert sjúkrarøktarfrøðingur. Royndir innan almen medicin eru ein fyrimunur, men ikki eitt krav.
• Fleksibul og sjálvstøðug/ur
• Megnar at arbeiða undir trýsti
• Góð samstarvsevni

Um hetta hevur tín áhuga, so send umsókn og CV á teldupost til eydtmagnussen@gmail.com.

Umsóknarfreistin er fríggjadagin 14.02.2025.

Um tú hevur spurningar um starvið ert tú vælkomin at skriva teldupost.