Lýsing
Lýst verður eftir ágrýtnum 1. meistara til spennandi starv umborð á Teistanum. Talan er um fast, fulltíðarstarv, at byrja 1. apríl ella eftir nærri avtalu.
Arbeiðs- og vaktarskipanin er fyriskipað í mun til galdandi ferðaætlan og farleið hjá Teistanum.
Teistin hevur í løtuni dagliga farleið millum Tórshavn og Nólsoy, men roknast kann við broytingum hesum viðvíkjandi.
Arbeiðstíðin er ein viku umborð og ein vika frí. Siglt verður hvønn dag í vikuni, og umstøður eru at búgva umborð.
Tínar høvuðsuppgávur eru:
- At hava eftirlit og viðlíkahald av maskinrúminum og allari tekniskari útgerð umborð
- Tryggja at øll lógar- og fyriliggjandi krøv verða fylgd
- Annað fyrifallandi viðlíkahaldsarbeiði
Sum 1. meistari vænta vit, at tú hevur:
- Útbúgving sum maskinmeistari ella maskinistur
- STCW áteknað vinnubræv sum skipsmaskinist á 1. stig ella hægri
- Heilsuváttan (bláu bók)
- Trygdarskeið, STCW A-VI/1-1, A-VI/1-2, A-VI/1-3, A-VI/1-4
- Eldsløkking fyri skipsyvirmenn, STCW A-VI/1-2, A-VI/1-3
- Fast Rescue Boats (FRB)
- Medisinsk fyrstahjálp, STCW VI/4-1
- Bátaføraraskeið STCW A-VI/2-1
Annars vænta vit, at tú hevur góðan røkjuskap, kann arbeiða sjálvstøðugt, og dugir væl at samskifta og samstarva við tínar starvsfelagar. Vit vænta eisini at tú ert fyrikomandi og fús/ur at taka við nýggjum avbjóðingum.
Setanar - og lønarviðurskifti
Starvið verður sett sambært sáttmála millum Fíggjarmálaráðið og Maskinmeistarafelagið, í lønarflokki 4.
Umsóknarfreistin er 23. mars 2025.
Nærri upplýsingar um starvið kunnu fáast við at venda sær til skiparan umborð á Teistanum, á tlf: +298 293103, ella við telduposti til teistin.meistarar@ssl.fo
Søk starvið her.
Um Strandfaraskip Landsins:
Strandfaraskip Landsins (Strandferðslan) er landsfyritøka undir Fiskivinnu- og samferðslumálaráðnum. Endamálið við Strandferðsluni, sum er ásett við lóg, er at lúka landsins tørv á innanlands fólka- og farmaflutningi. SSL virkar við spjøddum virksemi kring landið allar dagar í árinum frá árla á morgni til út á midnátt. Strandferðslan umsitur í dag tilsamans 30 farleiðir - 7 oyggjaleiðir og 23 bygdaleiðir. Til at røkja hesar 30 farleiðirnar eru átta ferjur og 48 bussar. Í 2023 var samlaða ferðafólkatalið knappar 1,25 millión. Av hesum ferðaðust umleið 725 túsund við ferjunum og 520 túsund við bussunum. Flutt blivu 188 túsund akfør. Í 2024 verða tølini ávikavist 230 túsund og 62 túsund lægri, tí sjóvegis Sandoyarleiðin fellir út. Nýggj landvegis farleið er sett á stovn í samband við undirsjóvartunnilin. Starvsfólkahópurin hjá Strandferðlsuni er umleið 180 fólk. Fyrisitingin er skipað í fíggjar-, samferðslu-, rakstrar-, kt- og starvsfólkadeild umframt stjórnarskrivstovu. Høvuðsskrivstovan er á Tvøroyri.
