Lýsing
Smyril Line søkir eftir yvirstýrimanni til avloysaratúr við handilsskipinum Mykines at mynstra 23. apríl. Talan er um eina útmynstring á 3 vikur.
Les meira um Mykines HER
Starvið
Yvirstýrimaðurin stuðlar skiparanum í rakstrinum av skipinum. Yvirstýrimaðurin er arbeiðsleiðari á dekkinum og skal vera ein sjónligur persónur í dagliga arbeiðinum.
Yvirstýrimaðurin hevur m.a. hesar uppgávur:
- at skipið er í sjótryggum standi
- at trygdarútgerðin er viðlíkahildin og dagførd
- lasting- og lossingar virksemið og handfaring av farmi á ferðini
Tín vangamynd
Tú skalt hava fylgjandi vinnubræv
- STCW Reg. II/2 as Chief Mate
Harumframt skalt tú hava øll viðkomandi skjøl og skeiðir.
Setanartreytir
Løn og setanartreytir eru sambært galdandi sáttmála millum Føroya Skipara- og Navigatørfelag og Reiðarafelagið fyri Handilsskip.
Starvssetan og umsóknarfreist
Umsóknarfreistin er 30. mars 2025. Umsóknir verða viðgjørdar leypandi. Tú søkir starvið umvegis frymilin á heimasíðuni HER.
Hevur tú spurningar til starvið, ert tú vælkomin at seta teg í samband við Karin Katrinu Liliendahl, HR umsitara, á tel. 34 59 51 ella á HR@smyrilline.fo.
Um Smyril Line
Høvuðsvirksemið hjá Smyril Line er at reka ferðafólka- og farmavirksemi. Smyril Line eigur størsta ferðafólkaskipið í Norðuratlantshavi, Norrönu. Harumframt eigur Smyril Line farmaskipini Mykines, Akranes og Glyvursnes. Flutningsfyritøkan OCD, Hotel Hafnia og Hotel Brandan, eru eisini partur av Smyril Line samtakinum. Smyril Line hevur virksemi og skrivstovur í Føroyum, Danmark, Íslandi, Týsklandi og Hollandi.
