Lýsing
Høvuðsuppgávan hjá aliumsitingini er fyrisiting av alilógini og kunngerðum við heimild í alilógini. Ábyrgdarøkið fevnur fyri tað mesta um fyrisiting av teimum útvið 40 aliloyvunum ið 7 loyvishavarar hava.
Aftrat koma aðrar innanhýsis uppgávur. Aliumsitingin er skipað sum funktión, ið vísur til stjóran.
Arbeiðsuppgávur
- Fyrisiting av aliloyvum sbrt. alilógini og tilhoyrandi kunngerðum, bæði tá talan er um broytingar í verðandi loyvum, endurnýggjan av loyvum og onnur menning í hesum sambandi.
- Fyriskipa hoyringar – og viðgera hoyringarsvar í sambandi við broytingar, endurnýggjan av aliloyvum og útbjóðing.
- Arbeiða við kunngerðum og mannagongdum í sambandi við alilógina.
- Ymsar innanhýsis løgfrøðiligar uppgávur.
Krøv til útbúgving og aðrar viðkomandi førleikar
- Útbúgving á universitetsstigi sum cand. jur., cand. merc. jur. ella samsvarandi
- Góður kunnleiki til føroyskt í skrift og talu er krav
- Góð evni at greina fløktar spurningar
- Áhuga fyri fyrisitingarrætti
- Ert til reiðar at taka eitt eyka tak, tá á stendur
- Skal arbeiða nógv sjálvstøðugt og eisini samstarva/samskifta við onnur, bæði innan- og uttanhýsis
- Annars stóran áhuga fyri fakøkjunum, sum Heilsufrøðiliga starvsstovan fevnir um
- Arbeiðsroyndir eru krav
- Koyrikort til bil
Vit bjóða
- Áhugavert, sjálvstøðugt og avbjóðandi starv
- Møguleikar fyri fakligari menning
- Eitt arbeiðspláss, har dentur verður lagdur á góðan trivnað
Lønar og setanartreytir
Talan er um fast starv, fulla tíð. Arbeiðsstaðurin er á Smyrilsvegi 7, 2 hædd í Tórshavn.
Løn og setanartreytir eru sambært sáttmála millum Búskapar- og Løgfrøðingafelag Føroya og Fíggjarmálaráðið.
Umsókn
Umsóknir til starvið skulu sendast Heilsufrøðiligu starvsstovuni í t-posti til hfs@hfs.fo ella til Smyrilsveg 7, 100 Tórshavn.
Viðheft umsókn, lívsrensl, avrit av prógvi, viðmæli og tilvísingar.
Umsóknir skulu verða okkum í hendi í seinasta lagi mánadagin hin 5. mai 2025. Setanarsamrøðurnar verða beint eftir hetta.
Meira fæst at vita við at venda sær til Bárð Enni, stjóra tlf. 55 64 00 ella t-post til hfs@hfs.fo.
Um stovnin
Heilsufrøðiliga starvsstovan er stovnur undir Uttanríkis- og Vinnumálaráðnum. Stovnurin umsitur matvøru-, djórasjúku-, djóravælferðar-, djóralækna- og alilógina og rekur kanningarstovu í hesum sambandi. Á stovninum arbeiða 55 starvsfólk.
