Landssjúkrahúsið
Lýsing
Søkt verður eftir depilsleiðara við læknafakligari bakgrund til Familjudepilin á Landssjúkrahúsinum at byrja 01.07.2025 ella eftir nærri avtalu.
Um Familjudepilin
Familjudepilin er skipaður í fýra klinisk fokusøkir. Eindirnar eru Barnakonueindin, Gynekologi, Børn og Ung somatik og Børn og Ung psykiatri.
Familjudepilin er stovnaður við tí endamáli at stuðla undir alla tilgongdina hjá barnakonum og barnafamiljum, børnum og ungum, frá gitnaði til barnið er 18 ár umframt kvinnuheilsu/gynekologi. Hesin depil brýtur frá hinum klinisku deplunum soleiðis, at hann byggir á sjúklingagongdir og funktiónir heldur enn viðgerðarhættir og fakbólkar.
