Tórshavnar kommuna
Lýsing
»Veita tænastu og tilboð, har borgarin er í miðdeplinum«.
Ert tú ein eldhugaður sjúkrarøktarfrøðingur, við áhuga fyri eldraøkinum, so er tað júst tær vit leita eftir.
Á Ellisheiminum búgva 24 búfólk og her arbeiða áleið 55 starvsfólk. Ellisheimið er eitt 89 ára gamalt røktarheim, sum er partur av Heilsu- og umsorganartænastuni hjá Tórshavnar kommunu.
Á Ellisheiminum leggja vit dent á, at skapa tryggleika og lívsvirði fyri búfólkini. Vit miða eftir at skapa innihald í degnum og at búfólkini skulu trívast. Hetta gera vit við at gera ymiskar aktivitetir saman við búfólkunum. Dentur verður eisini lagdur á, at hava eitt gott tvørfakligt samstarv, við m.a. læknar, ergo- og fysioterapeutar.
