Lýsing
Familjudepilin á Landssjúkrahúsinum søkir við hesum eftir tveimum sálarfrøðingum til Børn og Ung psykiatri. Talan er um tvey farloyvisstørv til setan frá 01.09.2022 til 30.09.2023 ella eftir nærri avtalu. Eitt starv er á brøki 1,0 og eitt er á brøki 0,3. Brøkarnir kunnu møguliga tillagast eftir avtalu.
Familjudepilin er skipaður í fýra klinisk fokusøki: Barnakonueind, Eindin fyri kvinnusjúkur, Børn og Ung somatik og Børn og Ung psykiatri.
Familjudepilin er stovnaður við tí endamáli at stuðla undir allari tilgongdini hjá barnakonum og barnafamiljum, børnum og ungum, frá gitnaði, til barnið er 18 ár. Fokus er á sjúklingagongdir og funktiónir, har dentur verður lagdur á tvørfakliga fyribyrging, stuðul, kanning, viðgerð, uppfylging og trivnað fyri øll børn og avvarðandi teirra, umframt komandi foreldur og allar nýføðingar í Føroyum. Hetta uttan mun til, um tey stríðast við somatiska ella psykiatriska sjúku.
https://sv.ls.fo/leys-stoerv/s%C3%A1larfroe%C3%B0ingar-til-boern-og-ung-psykiatri/
