Lýsing
Sambandsflokkurin á Fólkatingi sóknast eftir einum ráðgeva at byrja á skrivstovuni 1. august 2025 ella eftir nærri avtalu.
Sum ráðgevi hjá okkum fært tú innlit í politiska gerandisdagin á Fólkatingi. Vit kunnu bjóða tær eitt áhugavert starv i einum mennandi umhvørvi. Starvsfólkahópurin hjá okkum arbeiðir tætt saman, og vit gleða okkum til, at tú verður partur av góða felagsskapinum á skrivstovuni á Christiansborg.
Førleikar
- Vit vænta, at tú:
- Hevur áhuga í bæði føroyskum og donskum politikki
- Hevur góð samstarvsevni
- Arbeiðir sjálvstøðugt
- Hevur góðar málsligar og skrivligar førleikar á føroyskum, donskum og enskum
- Megnar at hava fleiri bóltar í luftini
- Ert ábyrgdarfull/fullur
- Dugir at seta teg inn í torskild mál og fjølbroytt evni
Praktiskar upplýsingar
Talan er um eitt fulltíðarstarv sum ráðgevi á skrivstovuni hjá Annu Falkenberg og Sambandsflokkinum á Fólkatingi, sum liggur á Christiansborg í Keypmannahavn.
Lønin verður sett sambært avtalu.
Umsókn og onnur viðkomandi skjøl skulu sendast til Kaj Joensen á teldupost: kaj.joensen@ft.dk í seinasta lagi 30. juni 2025.
Skriva “Ráðgevi” í evnisteigin. Vit halda setanarsamrøður leypandi og sum skjótast eftir umsóknarfreistina.
Um tú hevur spurningar til starvið ella Sambandsflokkin á Fólkatingi, ert tú vælkomin at venda tær til Kaj Joensen á tlf. +45 61625724
Vit gleða okkum at hoyra frá tær.
