Lýsing
Søkt verður eftir 2 námsfrøðingum, at byrja 8. august 2022, ella eftir nærri avtalu. Møguleiki er fyri fulltíðarstarvi ella starvi við niðursettari arbeiðstíð.
Tað eina starvi er í frítíðarskúlanum hjá okkum. Frítíðarskúlin flytur í egin høli í “gamla skúlanum” í Hósvík, eitt hanagleiv frá dagstovninum. Og hitt starvi er í barngarðinum.
Eitt av størvunum er varaleiðara starv. Varaleiðarin skal í samstarvi við leiðaran vera við at menna námsfrøðiliga arbeiðið og seta námsfrøðiligu kósina fyri stovnin.
Í dagliga arbeiðinum er tað umráðandi fyri okkum, at stovnurin er eitt mennandi stað hjá bæði børnum og vaksnum og at vit øll trívast saman.
Vit kunnu bjóða tær:
Eitt arbeiðspláss har pláss er fyri villum og stillum. Góðar møguleikar til handaligt virksemi, góðar umstøður til námsfrøðiligt virksemi úti í náttúruni, góða tíð at fyrireika og at eftirmeta námsfrøðiliga arbeiði og alt møguligt annað.
Um námsfrøðingur ikki søkir verður hjálparfólk sett í tíðaravmarkað starv.
Lønar- og setanartreytir
Starvið verður lønt sambært avtalu millum Føroya Pedagogfelag og Kommunala Arbeiðsgevarafelagið. Fyri at verða settur í starv skal umsøkjari hava reina barnaváttan sambært Løgtingslóg um barnaváttanir (Barnaváttanarlógin)
Umsóknir
Umsóknir við avriti av prógvi og møguligum viðmælum, skulu sendast til:
Dagstovnurin við Stórheygg
Áarvegur 3
420 Hósvík
ella
storheygg@sunda.fo
Umsóknarfreistin er sunnudagin 24. juli 2022.
Meira fæst at vita um størvini við at venda sær til Jónu Guttesen, stovnsleiðara á telefon 297255. Og á heimasíðu okkara storheygg.fo
