Lýsing
Ergo- og Fysioterapideildin á Landssjúkahúsinum søkir eftir fysioterapeuti til skurðtoymið. Talan er um eitt fast starv frá 01.09.25 í starvsbrøki 0,75 (30 tímar) ella eftir nærri avtalu.
Arbeiðsuppgávur í høvuðsheitum
Arbeiðsøkið er at kanna, útgreina, viðgerða/endurvenja skurð sjúklingar. Harumframt at hjálpa til á øðrum økjum um neyðugt.
Í skurð toyminum eru 4 fysioterapeutar, sum arbeiða á seingjardeildunum og við ambulantum sjúklingum. Arbeiðið umfatar einstaklingaviðgerð og bólkaviðgerð til innlagdar og ambulantar sjúklingar.
Størsti parturin av arbeiðsuppgávunum er við innløgdum sjúklingum á skurð seingarjdeildunum G4 og H2. Á deildunum finnast hesar sergreinar: ortopædi, gynækologi, parenkym, urologi, mammakirurgi, oyrna-næsa-háls, eyga og tannaviðgerðir. Fysioterapeutar arbeiða bæði við sjúklingum sum eru bráðfengis og planlagt innlagdir til ymiskar skurðviðgerðir m.a. knø, mjadnar, rygg, maga- tarm skurðviðgerð. Onnur eru innløgd til pínuviðgerð.
