Lýsing
Familjudepilin á Landssjúkrahúsinum søkir hervið eftir leiðslufulltrúa til fyrisitingina. Talan er um eitt fulltíðarstarv til setan 1. oktober 2025.
Leiðslufulltrúin vísir til og virkar í tøttum samstarvi við depilsleiðsluna, og hevur dagligt samband við heilsustarvsfólk og vitjandi konsulentar í deplinum, fyrisitingarligu stáparnar á Landssjúkrahúsinum (t.e. fíggjardeildin, starvsfólkadeildin, KT-deildin), og við Tænastudepilin v.fl.
Títt ábyrgdarøkið
- At tryggja dygd og skynsemi í fyrisiting, rakstri og fíggjarviðurskiftum í deplinum í tøttum samstarvi við depilsleiðsluna
Tínar arbeiðsuppgávur
Umsita fyrisitingarligar, rakstrarligar og fíggjarligar uppgávur við tilvísing til depilsleiðsluna
- gera fíggjarætlan í samráð við depilsleiðsluna og hava fíggjarstýring um hendi
- gera hagtøl yvir virksemið á deplinum
- málsviðgera og journalisera
- umsita vaktplansskipanina, E-løn og samskifta við starvsfólkadeildina
- umsita tænastuferðir fyri starvsfólkini í deplinum, og logistikkin viðvíkjandi konsulentum
- umsita skeiðskontuna fyri starvsfólkini í deplinum
- fyrireika fundir og skriva fundarfrágreiðingar
- vera við til at samskipa trivnaðartiltøk í deplinum
- taka lut í gerð av ársætlan og -frágreiðing og øðrum publikatiónum
- dagføra heimasíðu og heimabeiti í samstarvi við samskiftiseindina
Vit leggja dent á, at tú
- hevur útbúgving frá hægri lærustovni á bachelor- ella masterstigi
- hevur arbeiðsroyndir innan fyrisiting og fíggjararbeiði
- hevur góðan kunnleika til KT-skipanir, td Búskaparskipan Landsins, journalskipanini 360 og heimasíðuskipanir
- ert væl skipað/ur, kann arbeiða sjálvstøðugt og fær ting frá hondini
- hevur góð samskiftis- og samstarvsevni og vísir tænastusinni í arbeiðinum
Vit bjóða
- Felags innleiðslu á Landssjúkrahúsinum, umframt í fyrisitingini
- Eitt fjølbroytt starv, har tú fært innlit og ávirkan á menningina í deplinum
- Samstarv við hinar leiðararnar og starvsfólkini á Familjudeplinum
- Eitt gott tvørfakligt arbeiðsumhvørvi
Lønar- og setanartreytir smb. sáttmála millum avvarandi yrkisfelag og Fíggjarmálaráðið.
Nærri upplýsingar um starvið fáast við at ringja 304500 til Elin Helenu Ásudóttir, depilsleiðara, lokal 3502, teldupost: elias@ls.fo .
Umsóknarfreistin er 25. august 2025.
Upprunaprógv fyri útbúgving og viðmæli skulu havast við til møguliga samrøðu.
Vinarliga søk starvið her.
Familudepilin við Barnakonueindini, gynekologi, Børn&Ung somatik og Børn&Ung psykiatri varð settur á stovn 1. juni 2021. Árliga fíggjarætlan er umleið kr. 72 mió og umleið 130 fólk starvast í deplinum.
Familjudepililin er stovnaður við tí endamálið, at stuðla undir alla tilgongdina hjá barnakonuni, barnafamiljuni og børnum og ungum frá gitnaði til barnið er 18 ár, umframt kvinnuheilsu/gynekologi.
Fokus er á sjúklingagongdir og funktiónir, har dentur verður lagdur á tvørfakliga fyribyrging, stuðul, kanning, viðgerð, uppfylging og trivnað.
Her kanst tú lesa um okkara visjón, missión og strategimál.
Sjúkrahúsverkið fevnir um tey trý sjúkrahúsini Landssjúkrahúsið, Klaksvíkar Sjúkrahús og Suðuroyar Sjúkrahús. Okkara uppgáva er at veita øllum dygdargóðar heilsutænastur, ið fevna frá gitnaði til seinastu fráferð.
Vit eru trý sjúkrahús, sum samskifta, virka og skapa eftir felags virðum. Í Sjúkrahúsverkinum vísa vit virðing fyri sjúklingunum, avvarðandi og starvsfólki, og miða altíð eftir at veita rættstundis sjúkugreinan og viðgerð við skipaðum sjúklingagongdum.
Sjúkrahúsverkið er eitt fjølbroytt arbeiðspláss, har virðini stev, áræði og flog, eru okkara kumpass, sum vit brúka í okkara yrki í gerandisdegnum. Í Sjúkrahúsverkinum starvast út við 1.200 starvsfólk innan 30 ymiskar fakbólkar.
