Varaleiðari til Frítíðarskúlan í Hoyvík

Tórshavnar kommuna søkir varaleiðara til Frítíðarskúlan í Hoyvík.

Hevur tú dirvi og hug at royna teg í einari leiðsluuppgávu, og ynskir tú at gera mun fyri børnini í Hoyvík? Vit leita eftir einum varaleiðara til Frítíðarskúlan í Hoyvík at byrja 1. oktober 2025 ella skjótast gjørligt.

Sum varaleiðari verður tú ein virkin partur av leiðslutoyminum, har tú saman við stovnsleiðaran hevur ábyrgd av bæði námsfrøðiligari og fyrisitingarligari menning fyri stovnin. Tú verður við til at tryggja, at børnini fáa eitt trygt, mennandi og fjølbroytt frítíðarskúlavirksemi, og at starvsfólkini hava góðar karmar at virka í.

Hetta er eitt starv fyri teg, sum ynskir at taka stigið inn í leiðsluuppgávur – ella fyri teg, sum longu hevur leiðsluroyndir.

Leinkja til starvslýsingina á okkara heimasíðu

Leinkja til umsóknarskema