Lýsing
180-190 borgarar fáa tænastu frá Heimatænastuni. Heimatænastan heldur til í Heilsuhúsinum í Hoyvík og er skipað í tveimum tvørfakligum toymum, har umleið 40 heilsurøktarar, heilsuhjálparar og heimahjálpir starvast í tøttum samstarvið við sjúkrarøktarfrøðingar, fysio- og ergoterapeutum. Í Heilsuhúsinum verða tilboð og tænastur til heimabúgvandi borgarar skipaðar.
Arbeiðsuppgávurnar eru at veita eina samskipaða heildartænastu til heimabúgvandi borgarar, ið hava tørv á røkt, umsorgan og rehabilitering, við virðing fyri tí einstaka og teirra avvarðandi. Vit leggja stóran dent á góðsku og at stuðla undir einum virknum gerandisdegi.
Søkt verður eftir:
Fýra heilsuhjáparum / heilsurøktarum at arbeiða í dagvaktum á starvsbrøki 0,875 svarandi til 35 tímar um vikuna frá 1. november 2022 ella eftir avtalu. Arbeitt verður 3. hvørt vikuskifti.
Førleikar
Útbúgving sum Heilsurøktari ella Heilsuhjálpari. Hevur tú royndir við at arbeiða við fólki, her undir eldraøki, so ert tú eisini vælkomin at søkja, hóast tú onga útbúgving hevur.
Vit vænta, at tú:
- Hevur góðan yrkisligan og menniskjaligan førleika
- Hevur góð samstarvsevnir og megna at samstarva tvørfakliga
- Hevur hóskandi arbeiðsroyndir og ert støðug, ábyrgdarfull og røkin í tínum arbeiði.
- Kann ráðgeva og vegleiða borgarum og avvarðandi
- Kann arbeiða sjálvstøðugt og leita tær hjálp, tá tørvur er á hesum
- Hevur góðan telduførleika og koyrikort
Vit bjóða
Góða innleiðslu, har tú at byrja við, verður saman við / upplærd av einum kliniskum sjúkrarøktarfrøðingi.
Eitt sjálvstøðugt og spennandi starv við møguleika fyri fakligari og persónligari menning, saman við góðum starvsfelagum.
Setanarviðurskifti
Størvini verða sett sambært sáttmála við KAF og Heilsurøktarafelagið / Heilsuhjálparafelag Føroya.
Meira fæst at vita:
Við at venda sær til Malan N. Samuelsen, deildarleiðari, telefon 79 31 10, teldupostur malans@torshavn.fo
Umsókn
Tú søkir starvið við at trýsta á grøna knøttin »Søk starvið«. Umsókn saman við góðkenning, prógvum og upplýsingum um útbúgving og royndir, skal vera Tórshavnar kommunu í hendi í seinasta lagi 15. oktober 2022.
