Lýsing
...so vilja vit fegin hoyra frá tær.
Hevur tú áhuga fyri at veita umsorgan fyri menniskjum, og vilt tú vera við til at gera mun í gerandisdegnum hjá eldri borgarum?
Heimatænastan leitar eftir umsorganarfullum og ábyrgdarfullum avloysarum til borgarar, ið búgva heima. Tín innsatsur hevur týdning.
Vit søknast eftir:
- Avloysarum til heimahjálp – heilsurøktarum, heilsuhjálparum og hjálparfólki
- Avloysarum til heimasjúkrarøkt – sjúkrarøktarfrøðingum
- Arbeiðið er í skiftandi vaktum (dag-, kvøld- og vikuskiftir).
Arbeiðsuppgávurnar fevna um:
- At veita persónliga og praktiska røkt til borgarar í teirra egna heimi, við tí endamáli at stuðla teimum í at varðveita sjálvbjargni og góða lívsgóðsku.
- At samstarva við starvsfelagaðar, avvarðandi og aðrar heilsufagbólkar, fyri at tryggja, at borgarin fær ta hjálp honum tørvar.
- At fylgja upp og skráseta í Cosmic, fyri at tryggja, at røktin verður tillaga og framd eftir tørvi.
- At vera við til at menna trivnaðin hjá borgarunum og stuðla honum í dagligdegnum.
Vit leita eftir tær, ið:
- Er útbúgvin og hevur góðkenning, sum Sjúkrarøktarfrøðingur.
- Er útbúgvin og hevur góðkenning, sum Heilsurøktari.
- Er útbúgvin Heilsuhjálpari.
- Hevur møguligar royndir í heimarøkt - hóast tað ikki er eitt krav.
- Er umsorganarfull/ur, álítandi og hevur góð evni at samskifta, bæði við borgarar, avvarðandi, starvsfelagar og aðrar fakbólkar.
- Dugir at arbeiða sjálvstøðugt og hevur evnini at skapa tryggleika og álit hjá borgaranum.
- Tekur ábyrgd fyri tínum arbeiði.
- Hevur koyrikort, tí starvið krevur, at tú skalt koyra út til borgararnar.
Vit bjóða:
- Eitt arbeiðspláss, har tú hevur møðuleika at gera mun í gerandisdegnum hjá tí einstaka borgaranum.
- At tú verður partur av einum starvsfólkahópi, har trivnaður og samstarv er í hásæti.
- Góða upplæring og møguleika fyri fakligari menning.
- Góðar starvstreytir og løn í samsvarar við galdandi sáttmála.
Setanarviðurskifti
Størvini vera lønt sambært sáttmála við KAF/fíggjarmálaráðið og ávikavist Sjúkrarøktarfelagnum, Heilsurøktarfelagið ella Heilsuhjálparafelag Føroya.
Meira fæst at vita um starvið, við at venda sær til
Anju Holm, deildarleiðara í heimatænastuni
tlf. 793304
anjah@rodin.fo
Umsókn:
Umsókn saman við prógvum, góðkenning (um viðkomandi) og upplýsingum um útbúgving og royndir skal sendast til:
rodin@rodin.fo
Viðmerkjast skal: “Avloysari til heimatænastuna”
Umsóknarfreistin er 3. feb 2026.
