Lýsing
Um starvið
Tú verður partur av Góðskudeildini hjá Bakkafrost, har vit arbeiða við matvørutrygd, góðsku, fiskavælferð, umhvørvi, starvsfólkatrygd og viðlíkahaldi. Starvsstaðið er á virkinum á Glyvrum, og tú arbeiðir í tøttum samstarvi við onnur góðskueftirlit/góðskutryggjara/leiðara og aðrar deildir. Arbeiðstíðirnar eru skiftandi og í vaktum.
Høvuðsuppgávur
- Tryggja, at framleiðslan fylgir galdandi lógum, reglum og góðskuskipanum
- Dagligt eftirlit við framleiðslu á kryvjivirki, liðugtvøruvirki, roykivirki, pakkivirki og partvís kassavirki
- Eftirlit við reinføri og reinførisreglum – bæði visuelt og bakteriufrøðiliga
- Sýnistøkur av reingerð, liðugtvøru, framleiðsluútgerð, vatni og spillvatni v.m
- Haldføriskanningar og aðrar kanningar kravdar av myndugleikum og kundum
- Skráseting og viðlíkahald av upplýsingum í góðskuskipanum
- Luttøka í innanhýsis og uttanhýsis skoðanum
- Aðrar uppgávur, sum natúrliga hoyra til økið
Førleikar og royndir
Vit ímynda okkum, at tú:
- Hevur útbúgving sum laborantur, fiskivinnutøkningur ella líknandi (ikki krav, men fyrimunur)
- Hevur royndir innan matframleiðslu og skil fyri matvørutrygd, fiskavælferð, heilsu, trygd og umhvørvi.
- Dugir væl at brúka KT-amboð (Microsoft Office, Innova o.a.)
- Dugir væl at samskifta á føroyskum, donskum og enskum – bæði í skrift og talu
Vit bjóða
Ein spennandi og fjølbroyttan gerandisdag í einum toymi við høgum fakligum førleikum, har tú hevur góðar møguleikar at menna teg fakliga. Eisini bjóða vit starvsfólkatryggingar og møguleika fyri at vera við í kantinuskipan.
Meir at vita
Nærri upplýsingar fáast við at venda sær til Jóhonnu Feilberg, góðskuleiðara, á tlf. 235026.
Umsókn
Søk starvið við at trýsta á knøttin niðanfyri. Umsóknarfreistin er sunnudagin tann 19. apríl 2026.
Um Bakkafrost
Bakkafrost samtakið er størsta alifyritøka í Føroyum og næststørsta alifyritøka í Skotlandi. Samtakið hevur fulla virðisketu frá fóðri, smolt- og laksaaling, kryvjing, liðugvøruframleiðslu til sølu. Framleiðslan av mjøli, lýsi og fóðri er á Havsbrún í Fuglafirði. Kryvjivirkini eru á Glyvrum og í Vági, meðan liðugvøruframleiðslan (góðskingarvirkið) er á Glyvrum, og alivirksemi er í Norðoyggjum, Eysturoynni, Streymoynni, Suðuroynni og í Skotlandi. Felagið hevur lívfiskavirksemi í Streymoy, Sandoy og í Skotlandi og harumframt eitt biogassvirki á Streymoynni. Høvuðsskrivstova felagsins er á Glyvrum og søla- og umsiting er eisini í Edinburgh, Munkebo, Boulogne-sur-Mer og í New Jersey. Samanlagt hevur samtakið 1.600 starvsfólk (ársverk).
