Lýsing
Almannaverkið søkir eftir starvsfólki, ið kann stuðla og skapa ein innihaldsríkan dag fyri borgarar í sambýlinum í Børkugøtu. Í sambýlinum búgva seks borgarar við menningartarni og autismu.
Um starvið
Eitt starv 40 tímar um vikuna at byrja 01.02.2023 ella eftir nærri avtalu. Arbeitt verður í skiftandi vaktum, sum fevna um alt døgnið allar dagar í vikuni. Arbeiðsstaðurin er í Havn.
Arbeiðsuppgávur
Høvuðsuppgávan er at veita námsfrøðiligan stuðul og grundleggjandi heilsurøkt. Arbeitt verður heilsufremjandi og fyribyrgjandi í samráð við borgaran, aðrar fakbólkar, leiðslu og avvarðandi. Flestu av borgarunum hava dagtilboð.
Uppgávan er at vera við til at leggja arbeiðið til rættis á arbeiðsplássinum og at arbeiða eftir ávísum leisti, har støði verður tikið í einstaka borgaranum. Vit leggja okkum eftir at arbeiða við støði í møguleikum, heldur enn forðingum, og harafturat verður arbeitt tvørfakligt, so borgarin fær tænastu á høgum støði. Javnvirði, tolsemi og yrkisdugnaskapur er partur av okkara gerandisdegi, og somuleiðis leggja vit okkum eftir at skapa góðan trivnað á arbeiðsplássinum, bæði millum borgarar og starvsfólk.
