Lýsing
Varadeildarleiðari til Miðstovu á Lágargarði, barnsburðarfarloyvisstarv
Er eldraøkið tað tú brennur fyri, og hevur tú drívmegi og hegni til áhaldandi at menna tilboðið til búfólk á eldrabústovni, so er tað møguliga tær vit sóknast eftir.
Barnsburðarfarloyvisstarv sum varadeildarleiðari í tíðarskeiðnum 1.januar 2023 – 31.desembur 2023 er leyst at søkja. Varadeildarleiðarin vísir til deildarleiðaran.
Heilsu- og umsorganartænastan er skipað í trimum eindum, Heilsuhúsið og tvær búeindir.
Miðstova er ein av trimum deildum á Lágargarði, við 16 plássum. Lágargarður er 35 ára gamal og í hesum døgum vera umvælingar gjørdar, sum skulu nútímansgera heimið. Vit hava góðar karmar og arbeiðsumstøður, og starvsfólkatrivnaður og felagsskapur hava stóran týdning fyri okkum. Miðstova er ein røktardeild, har vit stremba eftir høgari fakligheit og leggja dent á at arbeiða viðurkennandi í einum lærandi umhvørvi. Tað er av týdningi fyri okkum, at skapa ein heimligan, tryggan og innihaldsríkan gerandisdag, har búfólk, starvsfólk og avvarðandi trívast, mennast og hava tað gott.
Leinkja til starvslýsingina á okkara heimasíðu
Leinkja til umsóknarskema
