Lýsing
Alari til aliøkið í Fuglafirði
Vit søkja eftir tveimum alarum til aliøkið í Fuglafirði.
Á aliøkinum í Fuglafirði starvast seks alarar umframt formannin.
Arbeiðsøki
Sum alari verða tínar høvuðsuppgávur:
at røkta fiskin
at passa fóðring
at gera dagligar viðlíkahaldsuppgávur á alibrúkinum og á landstøðini
at vera við til útseting og tøku
at virka til frama fyri fiskaheilsu og fiskavælferð
Talan er um fulltíðarstarv, sum er 40 tímar um vikuna. Í tíðarskeiðum við nógvum arbeiðstrýsti skal yvirtíðararbeiði væntast.
Tín vangamynd
Sum persónur ert tú røsk/raskur, álítandi og fleksibul. Tú tekur við ábyrgd og megnar at arbeiða í tættum samstarvi við hini í toyminum. Tú hevur áhuga í at arbeiða við djórum, og tú hevur telduførleikar á brúkarastøði. Tað er ein fyrimunur um tú hevur royndir á sjónum, og um tú hevur hesi skeiðini: trygdarskeið, trukkskeið og kranaskeið.
Vit bjóða
Tú fært eitt fjølbroytt og avbjóðandi starv á einum spennandi arbeiðsplássi í støðugari menning. Í heyst seta vit nýtt smolt út, og tú sleppur at fylgja laksinum frá útseting til tøku. Vit leggja dent á at hava eitt gott arbeiðsumhvørvi, og kunnu bjóða tær góðar starvsfólkatryggingar.
Løn og setanartreytir
Løn er samsvarandi galdandi sáttmála hjá Føroya Arbeiðarafelag fyri alarar.
Meira at vita
Vilt tú hava meira at vita um starvið, ert tú vælkomin at seta teg í samband við Eyðfinn Djurhuus, formann, á tel. 23 51 44.
Umsókn
Tú søkir starvið við at trýsta á leinkjuna niðanfyri
Umsóknarfreist
Starvið verður sett sum skjótast.
Umsóknarfreistin er mánadagin 26. juli 2021.
Um Bakkafrost
Bakkafrost er størsta alifyritøka í Føroyum. Samtakið hevur fulla virðisketu frá fóðri, smolt- og laksaaling, kryvjing, liðugvøruframleiðslu til sølu. Framleiðslan av mjøli, lýsi og fóðri er á Havsbrún í Fuglafirði. Kryvjivirkini eru á Glyvrum og í Vági, meðan liðugvøruframleiðslan (VAP) er á Glyvrum. Alivirksemið hjá samtakinum er í Norðoyggjum, Eysturoy, Streymoy, Sandoy og Suðuroy. Høvuðsskrivstova felagsins er á Glyvrum.
