ALMANNAVERKIÐ
Lýsing
Starvsfólk, sum kunnu menna førleikar, sjálvsvirði og sjálvbjargni hjá borgarum við autismu
Almannaverkið søkir eftir fýra starvsfólkum at arbeiða í ávikavist Sambýlinum í Kelduskákinum og í Sambýlinum á Mýruvegi 13 kj. í Klaksvík.
Sambýlið í Kelduskákinum er døgnstovnur og har búgva borgarar við autismu ella menningartarni. Í Sambýlinum á Mýruvegi 13 kj búgva borgarar við autismu og rørslutarni.
Í arbeiðnum leggja vit dent á at skapa eitt gott og trygt heim. Støði verður tikið í tí einstaka, tá ið tað snýr seg um at menna førleikar og fremja sjálvsvirði og sjálvbjargni. Dentur verður eisini lagdur á at hava eitt skipað umhvørvi, sum verður gjørt sjónligt og ítøkiligt við dag- og vikuætlanum.
