Lýsing
Vit søkja eftir arbeiðsfólki til Tænastudeildina. Talan er um fast, tímalønt, ófaklært starv, innan húsavarðatænastuna í Tænastudeildini til setan skjótast gjørligt, ella eftir avtalu. Arbeitt verður í skiftisvaktum (dag-, seinnapartar - og vikuskiftisvaktum). Arbeitt verður 4. hvørt vikuskifti.
Tann, sum settur verður, skal hava koyrikort til persónbil.
Fyrimunur er, um viðkomandi hevur koyrikort BE.
Arbeiðsuppgávur í høvuðsheitum:
- Inni- og útiarbeiði.
- Innanhýsis flutningur av vognum fyri køkin og vaskaríið.
- Annar flutningur sum t.d. vørukoyring fyri goymsluna og ruskkoyring.
- Annað fyrifallanda arbeiði, sum til tíðir kann vera tungt.
Persónligir eginleikar:
- Ábyrgdarkensla.
- Fryntlig/ur og fyrikomandi.
- Kann arbeiða sjálvstøðugt.
- Góð samstarvsevni og røkjuskapur.
- Góð heilsa.
Setanartreytir:
Lønar- og setanartreytir eru sambært sáttmálanum hjá Havnar Arbeiðarafelag.
Setanarstaðið er Tænastudepilin/Tænastudeildin.
Meira um Tænastudeildina er at finna her.
Upplýsingar:
Meira fæst at vita um starvið við at venda sær til Heimir Ottósson, deildarleiðara fyri Tænastudeildina, á tlf. 304500, lokal 1270 ella á teldupost: heimir.ottosson@ls.fo
Umsóknarfreistin er 09. september 2024.
Viðmæli kann havast við til møguliga samrøðu.
Umsóknir verða viðgjørdar, so hvørt tær koma inn.
Vinarliga søk starvið her.
Her kanst tú lesa meira um okkara visjón, missión og strategimál.
Sjúkrahúsverkið fevnir um tey trý sjúkrahúsini Landssjúkrahúsið, Klaksvíkar sjúkrahús og Suðuroyar sjúkrahús. Okkara uppgáva er at veita øllum dygdargóðar heilsutænastur, ið fevna frá gitnaði til seinastu fráferð.
Vit eru trý sjúkrahús, sum samskifta, virka og skapa eftir felags virðum. Í Sjúkrahúsverkinum vísa vit virðing fyri sjúklingunum, avvarðandi og starvsfólki, og miða altíð eftir at veita rættstundis sjúkugreinan og viðgerð við skipaðum sjúklingagongdum.
Sjúkrahúsverkið er eitt fjølbroytt arbeiðspláss, har virðini stev, áræði og flog, eru okkara kumpass, sum vit brúka í okkara yrki í gerandisdegnum. Í Sjúkrahúsverkinum starvast út við 1.200 starvsfólk innan 30 ymiskar fakbólkar.
