Lýsing
Strandferðslan søkir eftir 2 avgreiðslufólkum til farmaavgreiðsluna í Svínoy. Viðkomandi, ið verða sett, skulu saman við manningini umborð á strandfaraskipum tryggja støðugan ferðafólka- og farmafluting til og úr oynni, umframt at loysa aðrar fyrifallandi uppgávur í hesum sambandi.
Uppgávurnar hjá farmaavgreiðsluni
Uppgávan úti í Svínoy fevnir m.a. um at:
- veita góða kundatænastu og veita hóskandi kunning til ferðandi til og úr oynni
- flyta farm til og frá skipinum, ið røkir leiðina til Svínoyar
- tryggja at farmur kemur til høldar av bryggjuni
- frankering, farmauppgerð og kundarøkt annars
Avgreiðslufólkini, ið verða sett, koma at virka sum umboðsfólk hjá Strandferðsluni á Svínoynni, við tilvísing til leiðarin á samferðsludeildini. Ein sera týdningarmikil partur í dagliga arbeiðinum er, at hava støðugt samskifti við manningina umborð á Rituni, farmakundar, ferðafólk og umsitingina hjá Strandferðsluni.
Verður skipað fyri serligum farmatúrum út í oynna, er uppgávan eisini at samskipa hesir túrar saman við skipi og umsiting.
Førleikakrøv
Vit vænta at tú:
- Hevur góð samstarvs- og samskiftisevni
- Ert tænastusinnað/ur mótvegis kundum og samstarvsfeløgum
- Dugir og torir at arbeiða sjálvstøðugt og at taka sjálvstøðugar og skjótar avgerðir
- Ert fyrikomandi, álítandi og hevur góðan røkjuskap
- Hevur hegni til at ambæta og viðlíkahalda arbeiðsakfør og annan tólbúnað
- Hevur skil fyri veðri og vindi
- Góðar málførleikar í føroyskum, norðurlendskum og enskum
Tað er ein fyrimunur, um umsøkjarin hevur royndir við arbeiði innan farmaavgreiðslu á útoyggj ella líknandi størvum.
Setanartreytir
Arbeiðið sum avgreiðslufólk er skipað við skiftandi vaktum 1:1, tvs. skiftandi arbeiðsviku og fríviku. Arbeiðstíðin er fyrst og fremst tengd at ferðaætlanini á leið 58 millum Svínoy og Hvannasund, umframt serstakar farmatúrar. Arbeiðstíðin er tí skiftandi gjøgnum vikuna og til tíðir, eins og í summarhálvuni, kann roknast við longum arbeiðsdøgum.
Lønar- og setanarviðurskifti
Starvið sum avgreiðslufólk verður sett sambært sáttmála millum Føroya Arbeiðsgevarafelag og Føroya Arbeiðarafelag.
Umsóknarfreistin er mánadagin 19. mai 2025 kl. 12:00.
Nærri upplýsingar um starvið kunnu fáast við at venda sær til Dánjal Samuelsen, samferðsluleiðara, á tlf. 293081 ella á teldupost das@ssl.fo
Søk starvið her:
_______________________________________________________________________
Um Strandfaraskip Landsins:
Strandfaraskip Landsins (Strandferðslan) er landsfyritøka undir Fiskivinnu- og samferðslumálaráðnum. Endamálið við Strandferðsluni, sum er ásett við lóg, er at lúka landsins tørv á innanlands fólka- og farmaflutningi. SSL virkar við spjøddum virksemi kring landið allar dagar í árinum frá árla á morgni til út á midnátt. Strandferðslan umsitur í dag tilsamans 30 farleiðir - 7 oyggjaleiðir og 23 bygdaleiðir. Til at røkja hesar 30 farleiðirnar eru átta ferjur og 48 bussar. Í 2023 var samlaða ferðafólkatalið knappar 1,25 millión. Av hesum ferðaðust umleið 725 túsund við ferjunum og 520 túsund við bussunum. Flutt blivu 188 túsund akfør. Í 2024 verða tølini ávikavist 230 túsund og 62 túsund lægri, tí sjóvegis Sandoyarleiðin
