Lýsing
Diagnostiski depilin á Landssjúkrahúsinum søkir eftir avloysarum fyri bioanalytikarar til Rannsóknarstovuna til setan 01.09.2022 til og 31.08.2023, ella eftir nærri avtalu. Talan er um tvey avloysarastørv á 32 tímar um vikuna við vaktskyldu.
Um okkum
Landssjúkrahúsið er normerað til umleið 800 fulltíðarstørv, harav umleið 30 eru staðsett á Rannsóknarstovuni.
Rannsóknarstovan umfatar 5 rannsóknarstovuøki, har biokemi er tað størsta við fleiri enn 1 mio. kanningum árliga.
Rannsóknarstovan tekur blóðroyndir og EKG á innløgdum og ambulantum sjúklingum, sum verða ávístir frá Sjúkrahús- og kommunulæknum. Eisini samstarvar deildin við aðrar rannsóknarstovur bæði innan- og uttanlands.
Arbeiðsuppgávur
Tínar arbeiðsuppgávur verða í høvuðsheitinum í biokemi og immunologi/blóðbanka, har blóðroyndartøka og EKG-upptøkur eru dagligur partur.
Um teg
Tú hevur áhuga fyri bioanalytikarafakinum, og ynskir at geva títt íkast, bæði fakliga og sosialt, fyri einum góðum trivnaði á deildini.
Rannsóknarstovan umfatar
- Biokemi
- Immunulogi og blóðbanka
- Mikrobiologi
- Patologi
- Nuclearmedisin
Krøv til umsøkjarar
- Bioanalytikaraútbúgving
- Góðan hugburð og tvørfaklig samstarvsevni
- Góðan telduførleika
- Miðlan av vitan bæði á deplinum og til aðrar samstarvsfelagar
Vit kunnu bjóða
- Eitt dynamiskt, avbjóðandi og fjølbroytt starv
- Fakliga kompetentar og virknar starvsfelagar
Lønar- og setanartreytir smb. sáttmála millum Bioanalytikarafelagið og Fíggjarmálaráðið. Arbeiðstíðin er 32 tímar um vikuna við vaktskyldu (vakt á deildini og tilkall úr heiminum).
Nærri upplýsingar fáast við at seta seg í samband við leiðandi bioanalytikara Birita K. Samuelsen, tlf. 304500, lokal 5601 ella t-post: birje@ls.fo.
Umsóknarfreistin er tann 21.08.2022.
Upprunaprógv fyri útbúgvingina skulu havast við til eina møguliga samrøðu.
Vinarliga søk starvið her.
Á okkara heimasíðu www.ls.fo kanst tú síggja okkara visjón, missión og strategimál undir leinkjuni ”Um stovnin”.
Sjúkrahúsverkið fevnir um tey trý sjúkrahúsini Landssjúkrahúsið, Klaksvíkar sjúkrahús og Suðuroyar sjúkrahús. Okkara uppgáva er at veita øllum dygdargóðar heilsutænastur, ið fevna frá gitnaði til seinastu fráferð.
Vit eru trý sjúkrahús, sum samskifta, virka og skapa eftir felags virðum. Í Sjúkrahúsverkinum vísa vit virðing fyri sjúklingunum, avvarðandi og starvsfólki, og miða altíð eftir at veita rættstundis sjúkugreinan og viðgerð við skipaðum sjúklingagongdum.
Sjúkrahúsverkið er eitt fjølbroytt arbeiðspláss, har virðini stev, áræði og flog, eru okkara kumpass, sum vit brúka í okkara yrki í gerandisdegnum. Í Sjúkrahúsverkinum starvast út við 1.200 starvsfólk innan 30 ymiskar fakbólkar.
