Lýsing
Er tú tann vit sóknast eftir?
Kundi tú hugsa tær at staði á odda fyri øllum terapeutfakligum tænastum, sum Heilsu- og Umsorganartænastan bjóðar eldri borgarum? Hevur tú útbúgving og royndir sum ergoterapeutur ella fysioterapeutur? Hevur tú drívmegi og hegni til áhaldandi at menna ergo- og fysioterapeutisku tilboðini til eldri borgarar í Tórshavnar kommunu? So er tað tær, vit sóknast eftir.
Deildarleiðarastarvið í Terapideildini í Heilsuhúsinum er leyst at søkja. Deildarleiðarin samstarvar dagliga við 3 aðrar deildarleiðarar í Heilsuhúsinum – og verður partur av netverki við allar deildarleiðararnar í Heilsu- og Umsorganartænastuni. Tí er tað umráðandi, at tú trívist við samstarvi við aðrar leiðarar og tvørfakligar samstarvsfelagar.
Setanarbrøkurin er 1,0 og starvið er leyst til setan 1. februar 2025 ella eftir avtalu.
Deildarleiðari til Terapideildina í Heilsu- og umsorganartænastuni
