Lýsing
Hotel Føroyar leitar eftir einum tænastusinnaðum duty manager. Tveir duty managers starvast á Hotel Føroyum, og hava teir felags ábyrgd av dagligu gongdini í móttøkuni. Talan er um eitt fulltíðarstarv, har arbeitt verður í vaktum mitt í viku umframt annaðhvørt vikuskifti.
Hotel Føroyar er størsta hotellið í Føroyum við 200 kømurum, 10 fundarhølum og einum vælveruøki.
Um starvið
Tín høvuðsuppgáva verður at geva gestum okkara eina framúr góða gistingaruppliving.
Arbeiðsuppgávurnar fevna um:
- At stuðla og læra starvsfólk í móttøkuni upp
- At gera arbeiðsskema
- At røkja móttøkuhandilin
- At stýra fíggjarætlanunum
- At avgreiða bíleggingar
- At umsita okkara gávukortsskipan
- Aðrar fyrisitingarligar uppgávur
- At syrgja fyri, at tað er greitt samskifti millum starvsfólk í móttøkuni og starvsfólk á øðrum deildum
Um teg
Tú og ert tænastusinnað/ur. Tú ert ikki bangin fyri at taka ábyrgd, og vit vænta, at tú fert til verka við einum jaligum hugburði.
Harafturat vænta vit, at:
- Tú ert álítandi
- Tú megnar at fimla við fleiri bóltum í luftini í senn
- Tú trívist í einum bráðskiftandi umhvørvi
- Tú dugir sera væl at handfara ósemjur og trupulleikar
- Tú tosar og skrivar enskt raðið
Tað er ein fyrimunur, um tú:
- Hevur royndir í hotelvinnuni ella ferðavinnuni
- Hevur royndir við bíleggingarskipanum (vit arbeiða við Spectra Systems)
Umsóknarfreist
Umsóknarfreistin er 10. februar 2023.
Starvsbyrjan er eftir avtalu.
Áhugaði eru vælkomin at senda eina umsókn til aleth@hotelforoyar.fo