Lýsing
Almannaverkið er í løtuni í eini tilgongd, har bygnaðurin verður broyttur. Endamálið er at skapa karmar fyri einum meira samanhangandi virksemi, sum loyvir tvørfakligum samstarvi at virka og vaksa. Vit seta fokus á bestu og mest framkomnu sosialu tænastuna. Arbeitt verður fyribyrgjandi, mennandi og endurmennandi, fyri at tryggja borgaranum eitt gott lív á egnum beinum.
Søkt verður eftir eindarleiðara, ið hevur evni og áræði at leiða og motivera leiðarar. Vit sóknast eftir einum framskygdum persóni, sum við góðum leiðaraevnum og fakligum innliti setur framburð og menning á økinum fremst. Eindarleiðarin verður við til at tryggja góðar tænastur, fakliga dygd og trivnað á starvsfólkaøkinum. Somuleiðis skal eindarleiðarin hava hegni at virka og raðfesta innan givnar fíggjarkarmar.
Um starvið
Talan er um fulltíðarstarv at seta 01.09.2025. Tú verður partur av einum leiðslutoymi við øðrum eindarleiðarum við beinleiðis tilvísing til stjóran fyri tænastuøkið. Høvuðsarbeiðsstaðurin er í Havn. Tænasturnar eru kring landið, so roknast skal við ferðing í sambandi við arbeiðið.
