Lýsing
Hevur tú holla fakliga vitan, royndir og evni at arbeiða við fyrisiting og skipan innan kommunala námsfrøðiliga økið umframt at standa fyri menningartilgongdum, so ert tú møguliga persónurin til avbjóðandi starv sum fulltrúi á Barna- og ungdómsdeildini í Tórshavnar kommunu.
Tórshavnar kommuna styrkir og mennir støðugt námsfrøðiliga tænastustøðið og skipanarliga grundarlagið á dagstovnaøkinum, ið er týðandi kjarnuvirkisøki í kommununi.
Barna- og ungdómsdeildin er deild í Trivnaðarfyrisitingini. Deildin umsitur dagstovnar, frítíðarskúlar, ungdómshús og veitir námsfrøðiliga ráðgeving og stuðul til børn við serligum avbjóðingum.
Deildin hevur fyrisitingarligar og ráðgevandi uppgávur eisini til politisku skipanina og samstarvar við aðrar fyrisitingar og deildir í kommununi.
https://www.torshavn.fo/um-kommununa/starv-i-kommununi/leys-stoerv?job=144330
