Lýsing
Starvið er fultíðarstarv til setan 1. apríl 2024 ella skjótast tilber, við møguleika fyri niðursettari tíð.
Um starvið
Talan er um starv, sum m.a. fevnir um at:
- veita limum, álitisfólkum og nevnd felagsins løgfrøðiliga ráðgeving og svara fyrispurningum um starvsfólkarætt
- málsviðgerð í starvsfólkamálum
- undirvísa álitisfólkum í starvsfólkarætti
- vera við til at fyrireika rættarmál, kærur í fyrisiting og klagur til løgtingsins umboðsmann
- gera viðmerkingar til lógaruppskot, luttaka í hoyringum og fundum við politisku skipanina o.l.
- umsita og dagføra vegleiðing felagsins um starvsfólkarætt
Tú fert at starvast í einum lítlum, óformellum og dynamiskum arbeiðsumhvørvi og fert eftir tørvi at vera við í felags tiltøkum og uppgávum, sum felagið skipar fyri.
Tað er møguligt at arbeiða niðursetta tíð, flextíð og at arbeiða heimanífrá eftir avtalu. Harumframt eru góðir møguleikar fyri førleikamenning.
Vit ganga høgt uppí, at trivnaðurin á arbeiðsplássinum er góður, tað sosiala á arbeiðsplássinum er í hásæti, og vit sparra nógv og væl.
Førleikakrøv
Umsøkjari skal í minsta lagi hava BA útbúgving í lóg. Arbeiðsroyndir sum løgfrøðingur ella fulltrúi er ein fyrimunur, serliga um tú hevur royndir við starvsfólkarætti.
Tú skalt hava góð samstarvsevnir, kunna arbeiða sjálvstøðugt og vera før/ur fyri at arbeiða undir ávísum trýsti.
Tú skalt vera væl skipað/ur og duga væl at orða teg á føroyskum.
Setanar- og lønartreytir
Starvið verður sett sambært sáttmála millum Fíggjarmálaráðið og Búskapar- og Løgfrøðingafelag Føroya.
Umsóknir og freist
Umsóknir við prógvum, CV og møguligum viðmælum kunnu sendast til:
Starvsfelagið
J. H. Schrøtersgøta 9
Postrúm 165
110 Tórshavn
Ella við telduposti til: suni@starvsfelag.fo
Umsóknin skal vera Starvsfelagnum í hendi í seinasta lagi sunnudagin 18. februar 2024.
Vilt tú hava meira at vita um starvið, kanst tú seta teg í samband við Súna Selfoss, formann á tlf. 214868 ella t-post: suni@starvsfelag.fo
Starvsfelagið er eitt fakfelag við útvið 2.000 limum. Felagið umboðar m.a. skrivstovufólk, sosialráðgevarar, journalistar, teknikarar, sløkkiliðsfólk, siglandi fólk, málsviðgerar og nógvar aðrar fakbólkar. Hevur sáttmálar við landið og kommunurnar, við Føroya Arbeiðsgevarafelag fyri almennu partafeløgini Vága Floghavn, Posta og Føroya Tele. Starvsfelagið er í Fakfelagssamstarvinum, sum er samtak av fakfeløgum á almenna arbeiðsmarknaðinum og er limur í norðurlendskum samstarvsfelagsskapum fyri fakfeløg.
