Lýsing
So hava vit møguliga eitt starv júst til tín.
Vit sóknast eftir sjúkrarøktarfrøðilesandi at arbeiða á okkara songjadeild í summar. Eitt summarstarv hjá okkum kann geva tær viðkomandi starvsroyndir, sum tú kanst brúka og vísa á seinni á lívsleið tíni. Vit eru lagalig í mun til arbeiðstíð, tó kann væntast at arbeiða í skiftandi vaktum. Møguleiki er fyri bæði styttri og longri tíðarskeiðnum.
Vit bjóða
Góða innleiðslu har tú at byrja við verður saman við/upplærd/ur av starvsfeløgum.
Eitt spennandi, avbjóðandi, sjálvstøðugt og fjøltáttað starv saman við góðum starvsfeløgum.
Okkara songjadeild er ein blandað skurð- og heilivágsdeild við akuttari móttøku og 20 songjaplássum. Vit eru uml. 30 starvsfólk og hava tætt samstarv við aðrar deildir á sjúkrahúsinum.
Vit ynskja, at tú
- setir tørvin hjá sjúklingunum í hásæti
- hevur góð tvørfaklig samstarvsevni og evni at arbeiða sjálvstøðugt
- kennir ábyrgdarkenslu at skapa góðan trivna á deildini
- ert sjúkrarøktarfrøðilesandi og hevur í minsta lagi staðið fyrstu starvsvenjingina.
Á okkara Instagramvanga sshseingjardeildin kanst tú fylgja við í okkara gerandisdegi á songjadeildini.
Ert tú ikki búsitandi í Suðuroynni, kunnu vit hjálpa tær at finna bústað.
Løn- og setanartreytir sambært sáttmála millum Fíggjarmálaráðið og Felagið Føroyskir Sjúkrarøktarfrøðingar.
Um tú ynskir at vita meira, er Lisbet Jacobsen, deildarleiðari fús at svara tínum spurningum á tlf. 34 33 00 ella umvegis teldupost lisbet@ssh.fo.
Vit gleða okkum at fáa tína umsókn við viðkomandi skjølum á teldupost starv@ssh.fo í seinasta lagi fríggjadagin 24. mai 2024.
