Lýsing
Súkklumekanikaralærlingur
Súkkluhandilin RENT A BIKE & OUTDOOR leitar eftir lærlingi til okkara súkkluverkstað. Tú fært eina spennandi og fjølbroytta útbúgving, sum er ein samanseting av upplæring á læruplássinum og undirvísing í skúla.
Sum súkklumekanikaralærlingur lærir tú at kanna, stilla og umvæla ymsar partar á súkklum, so sum gir, bremsur, hjól og róður. Tú fert eisini at arbeiða við nógvum ymiskum sløgum av súkklum – eisini el-súkklum.
Arbeiðsuppgávurnar eru fjølbroyttar og fevna eisini um at samla nýggjar súkklur, selja súkklur og súkkluútgerð, umframt at leiga súkklur út og viðlíkahalda leigusúkklur.
Vit vænta, at tú ert fyrikomandi og tænastusinnað/ur, trívist í einum lívligum umhvørvi og hevur áhuga fyri mekaniskum arbeiði, handli og ferðavinnu.
Starvið verður sett skjótast til ber ella eftir avtalu.
Skúlagongd
Tá ið tú ert í læru sum súkklumekanikari, fert tú á skúlaskeið í Danmark í fýra umførum. Skúlaskeiðini eru um veturin. Tú kanst lesa meira um útbúgvingina her:
https://www.yrkisdepilin.fo/utbugvingar/toekni-flutningsfoer/sukklumekanikari
Útbúgvingarlongd
3 ár og 3 mánaðir, býtt millum lærupláss og skúla.
Upptøkukrøv
Fyri at verða upptikin krevst, at tú hevur 9. floksprógv.
Løn
Lærlingaløn verður ásett sambært sáttmála millum Føroya Arbeiðsgevarafelag og Landsfelag Handverkaranna.
Umsókn
Send okkum eina umsókn og viðkomandi skjøl til: rentabike@rentabike.fo
Umsóknarfreistin er hósdagin 1. mai 2026.
Meiri fæst at vita um starvið við at venda sær til Bartal í Gongini á telefon 270 600.
Um RENT A BIKE & OUTDOOR
RENT A BIKE & OUTDOOR er ein súkkluhandil, ið selur súkklur, súkkluútgerð, rulluskoytur, rennihjól og skateboards. Handilin hevur yvir 60 leigusúkklur og skipar fyri túrum við ferðaleiðara. Harumframt hava vit eitt súkkluverkstað, ið umvælir allar súkklur.
