Lýsing
Tráðar tú eftir fakligum avbjóðingum? Brennir tú fyri at arbeiða við dygd og menning av tænastum og starvsfólkum, so er møguliga tær vit sóknast eftir at gerast okkara nýggi fakligi samskipari og varastjóri frá 1. februar 2025.
Talan er um sera spennandi starv í Norðoya Bú- og Heimatænastu (NBH), har uppgávan hjá tær, í tøttum samstarvi við stjóran og røktarfakliga dygdarmennaran, í høvuðsheitum er at virka fyri:
- Starvsfólkamenning – so sum at skipa fyri innleiðslu, skeiðum, temadøgum v.m.
- Einum lærandi umhvørvi fyri næmingar og lesandi
- Menning av tænastunum hjá NBH við støði í nýggjastu vitan, kanningum og gransking
- Trygd og dygd – herundir gera mannagongdir, vegleiðingar og líkn., eins og hava eftirlit við, at NBH lýkur ásett lógar- og eftirlitskrøv á økinum
- Savna hagtøl og skriva ársfrásagnir
Harafturat ert tú sum varastjóri við til at tryggja, at ovasta leiðsla í NBH samstarvar í týðandi málum, og at NBH ongantíð er uttan strategiska leiðslu.
Tú luttekur á stýrisfundum sum skrivari og ert partur av arbeiðnum at leggja strategi fyri virksemið hjá NBH.
Virksemið hjá Norðoya Bú- og Heimatænastu, NBH, tekur støði í nærveru, fleksibiliteti og høgum fakligum støði. Hesi virði síggjast aftur í visjónini fyri NBH, sum tú kanst kunna teg um á heimasíðuni, https://nbh.fo/nbh/.
Førleikakrøv
- Útbúgving sum sjúkrarøktarfrøðingur. Harafturat kann viðkomandi master/kandidat útbúgving vera ein fyrimunur
- Fyrisitingarligar royndir
- Góð evni at orða teg í skrift og talu
- Góðar KT-førleikar
- Góð samstarvsevni
- Tænastusinni
- Eldhuga at arbeiða við dygd og menning
Vit kunnu bjóða
- Stórar fakligar avbjóðingar og góðar møguleikar fyri menning
- Eitt spennandi og sjálvstøðugt starv
- Gott samstarv við onnur fakfólk í NBH og tvørgangandi netverkum
- Stóra ávirkan á menningina av tænastum og tilboðum til borgarar í Norðoyggjum
Lønar- og setanartreytir
Lønar- og setanartreytir eru sambært sáttmála millum KAF/FMR og FFS/AKF.
Nærri kunning um starvið fæst við at venda sær til Marnu Ellingsgaard Jensen, stjóra, á tel. 793401 ella við telduposti á marnae@nbh.fo.
Skrivlig umsókn, við avritum av prógvum, autorisatión v.m., verður at senda til Norðoya Bú- og Heimatænastu, Nólsoyar Pálsgøta 32, FO-700 Klaksvík, ella við telduposti til nbh@nbh.fo.
Umsóknarfreistin til starvið er 10. desember 2024 klokkan 12.00.
